عَيُبَ.
19.
عَيُبَ نَشَ عَ يَابِ، 
«وٌ قَمَ ﭑ تْورْدٍ هَن تّمُي مُندُن؟ وٌ ﭑ بْحّ هَلَكِمَ وٌ شَ مَسٍنيِ رَ هَن تّمُي مُندُن؟ 
عَ دْشْ قُ نَن يِ كِ وٌ ﭑ كٌنبِمَ، ﭑ تْورْقٍ مُ وٌ يَافِمَ؟ 
شَ نْندِ نَ عَ رَ، ﭑ نَ يُنُبِ كُي، عَوَ، نَ يُنُبِ لُمَ ﭑ تَن نَن مَ. 
شَ وٌ وَ مَ عَ مَسٍنقٍ ﭑ بّ عَ وٌ قِسَ ﭑ بّ، شَ وٌ وَ مَ ﭑ مَ تْورّ قِندِقٍ ﭑ مَ يُنُبِ رَ، 
وٌ شَ عَ كٌلٌن شْنّ نَشَن نَ ﭑ مَ، نَ قَتَنشِ عَلَ نَن نَ، عَ تَن نَن ﭑ سُشُشِ عَ شَ يّلّ رَ. 
شَ ﭑ سَ فبٍلٍفبٍلٍ ﭑ مَ شْنّ شَ قٍ رَ، ﭑ مُ يَابِ يٌ سْتْمَ. شَ ﭑ سَ وَ كِيتِ شَ سَ، كِيتِ تِنشِنشِ يٌ مُ سَمَ. 
عَلَ بَرَ كِرَ عِبٌلٌن ﭑ يَ رَ، ﭑ مُ نْمَ دَنفِدٍ، عَ بَرَ ﭑ مَ كِرَ عِقْورْ ﭑ مَ. 
عَ بَرَ ﭑ شُن نَكَنَ، عَ بَرَ بِنيّ بِرِن بَ ﭑ مَ. 
عَ بَرَ ﭑ مَ قٍ بِرِن نَبِرَ. عَ بَرَ ﭑ شَشِلِ تِدٍ تَلَ عَلْ سَنسِ بِلِ تَلَمَ كِ نَشّ. 
عَ بَرَ شْنْ ﭑ مَ عَ حَاشِ رَ، ﭑ بَرَ قِندِ عَ يَشُي رَ. 
عَ شَ فٍرٍ سٌي بَرَ ﭑ نَبِلِن، عٍ نَ ﭑ فٍرٍقٍ، ﭑ مُ نْمَ ﭑ فِدٍ عٍ مَ. 
عَ بَرَ ﭑ نفَشَكٍرٍنيِيٍ مَكُيَ ﭑ نَ، ﭑ كٌلٌنمَيٍ بَرَ يٍنسٍن يّ. 
ﭑ دْشْبٌورٍيٍ بَرَ ﭑ نَبّحِن، ﭑ دّقَنبٌورٍيٍ بَرَ ﭑ نَبٌلٌ. 
ﭑ مَ شْحّيٍ نُن ﭑ مَ كٌنيِيٍ، نٍيٍ مُ ﭑ كٌلٌن سْنْن. 
ﭑ نَ ﭑ مَ كٌنيِ شِلِ، هَلِ ﭑ عَ مَيَندِ، عَ مُ ﭑ مَ شِلِ رَتِنمَ. 
ﭑ دّ شِرِ بَرَ رَحَاشُ ﭑ مَ فِنّ مَ، ﭑ مَ قٍ مُ رَقَن ﭑ نفَشَكٍرٍنيِيٍ مَ. 
دِ مّيٍ يَتِ يٌمَ ﭑ مَ. 
ﭑ فُندٌ شِرِ بٌورٍ بَرَ ﭑ شْن، ﭑ شَنُنتٍنيِيٍ بَرَ ﭑ يَنقَ. 
ﭑ قَتٍ بِرِن بَرَ بَ ﭑ مَ، ﭑ شْرِيٍ مِنِ كّنّ مَ. سٍسٍ مُ لُشِ سْنْن. 
ﭑ بٌورٍيٍ، وٌ كِنِكِنِ ﭑ مَ، يَندِ، وٌ كِنِكِنِ ﭑ مَ، بَرِ مَ عَلَ نَن ﭑ بْنبْشِ. 
مُنقٍ رَ وٌ ﭑ تْورْ مَ عَلْ عَلَ عَ رَبَشِ كِ نَشّ؟ وٌ مُ نُ وَ سَ سِندٍن؟» 
«شَ ﭑ مَ وْيّنيِيٍ سّبّشِ بُكِ كُي نُ، 
شَ عٍ مَسٌلِشِ فّمّ مَ وُرٍ رَ نُ، نَ تّمُي عٍ بُمَ نّ نُ عَبَدَن. 
كْنْ ﭑ تَن عَ كٌلٌن ﭑ نَكِسِمَ حِحّ نَ عَ رَ. عَ قَمَ وْيّنيِ دْنشْي قَلَدٍ دُنِحَ مَ. 
ﭑ قَتٍ نَ فّ بْرْدٍ، ﭑ تَن يَتِ قَمَ نّ عَلَ تٌدٍ. 
ﭑ تَن نَن يَتِ قَمَ عَ تٌدٍ ﭑ يَيٍ رَ، عَ مُ مَتَالِمَ ﭑ بّ. نَ كُي ﭑ بْحّ سّيوَ مَ نّ عَ قَنيِ رَ. 
وٌ تَن نَشٍيٍ مَشْرِنيِ تِمَ، ‹وٌن عَ تْورْقٍ مُنقٍ رَ؟› وٌ قَمَ ﭑ مَ نْندِ كٌلٌندٍ. 
وٌ شَ فَاشُ سَنتِدّفّمَ يَ رَ، بَرِ مَ حَشَنكَتّ وٌ سْتْمَ نّ وٌ شَ قٍ حَاشِيٍ مَ. نَ كُي وٌ قَمَ عَ كٌلٌندٍ عَ كِيتِسَ ندٍ نَ.»