عَيُبَ.
27.
عَيُبَ مَن نَشَ مَسٍنيِ تِ؛ 
«ﭑ بَرَ ﭑ كَلِ عَلَ سّنبّ كَنيِ رَ، نَشَن مُ نْندِ قِمَ ﭑ مَ، نَشَن بَرَ ﭑ نَقٍ شْنّ رَ، 
دَنمِ ﭑ حّنفِمَ، دَنمِ ﭑ حّنفِ نَشَن قَتَنشِ عَلَ رَ نَ نَن ﭑ قَتٍ عِ، 
تِنشِنتَرٍيَ مُ مِنِمَ ﭑ دّ عِ، ﭑ مُ وُلٍ قَلَمَ. 
هَن ﭑ قَشَ، ﭑ مُ نْندِ قِمَ وٌ مَ، ﭑ مُ ﭑ يّتّ تْوحّفّمَ. 
ﭑ تَن عَ كٌلٌن ﭑ تِنشِن، سٍسٍ مَن مُ ﭑ بَمَ مّننِ. ﭑ مُ ﭑ مَ قٍ حَاشِ يٌ كٌلٌن.» 
«ﭑ يَشُي شَ سُشُ عَلْ مِشِ حَاشِ، ﭑ فٍرٍقَ شَ سُشُ عَلْ تِنشِنتَرٍ. 
عَلَ نَ نَتّ تٌنفٌ عَ شَ نَ مِشِ مْولِيٍ قَشَ، شَشِلِ تِدٍ يٌ مُ لُمَ عٍ بّ، 
عَلَ نٍيٍ مَشَندِ شُي تٌنفٌمَ عٍ تْورْ تّمُي؟ 
عَلَ رَقَن نَ مِشِ مْولِ مَ؟ عَ عَلَ مَشَندِ مَ تّمُي بِرِن؟» 
«ﭑ شَ عَلَ سّنبّ مَسٍن وٌ بّ، ﭑ مُ عَلَ سّنبّ كَنيِ وَشْنقٍ نْشُنمَ وٌ مَ. 
وٌ بِرِن بَرَ يِ تٌ عَ قَنيِ رَ، وٌ قَ وْيّنيِ قُقَقُ قَلَمَ مُنقٍ رَ؟» 
«عَلَ نَشَن نَفِرِ مَ مِشِ حَاشِ مَ، عَلَ سّنبّ كَنيِ نَشَن سٌمَ عَ يِ رَ كّ رَ، نَ نَن يِ كِ؛ 
عَ شَ دِيٍ نَ وُيَ، عٍ قَشَمَ سَنتِدّفّمَ نَن نَ، عَ شَ مَمَدِيٍ قَشَ كَامّ رَ. 
عَ شَ مِشِ ندٍيٍ نَ لُ، نٍيٍ قَ قَشَ عَ شَنبِ، عٍ شَ كَاحّ فِنّيٍ مُ وَ مَ عٍ شَ قٍ رَ. 
عَ شَ نَاقُلِ نَ فبٌ يّ عَلْ مّيّنيِ، عَ شَ دُفِ نَ وُيَ عَلْ بّندّ فبٍفبٍ مَلَنشِ، 
عَ تَن نَن نَ مَلَنشِ، كْنْ تِنشِنتْي نَن نَ دُفِ رَفٌرٌ مَ عَ مَ، سّنِيّنتْي نَن نَ نَاقُلِ سْتْمَ. 
عَ شَ بَنشِ لُمَ عَلْ تُرُنتُرُنيِ، عَلْ شْنِ كٍرِ شَ بَفٍ دِ. 
عَ بَننَشِ نَن عَ سَمَ، كْنْ عَ رَفَتَمَ عَ تْورْشِ نَن نَ. عَ نَ عَ يَ رَبِ، سٍسٍ مُ نَ عَ يِ رَ سْنْن. 
فَاشُي عَ سُشُمَ تّرّننَ رَ، عَلْ بَنبَرَنيِ، عَلْ تُرُننَادّ كْي كُي. 
قٌيٍ شُنفبٍ عَ شَنِنمَ، عَ عَ تَلَ عَ سَبَتِدٍ. 
تَنبّيٍ وٌلِمَ عَ مَ، عَ مُ بَمَ عَ رَ، قٌ عَ شَ عَ فِ نّ. 
مِشِيٍ حّلّشِنمَ نّ عَ شَ شُننَكَنّ رَ، عٍ يٌ عَ مَ.»