عَيُبَ.
37.
«ﭑ بْحّ سّرّنمَ نَ نَن مَ. 
وٌ وٌ تُلِ مَتِ عَلَ شُي رَ، نَ شُي فبٍ نَشَن مِنِمَ عَ كّرّ عِ. 
عَ شَ سٍيَمَكْنيِ كٌورٍ بِرِن نَقٍمَ نّ، عَ دُنِحَ نَانِنيِ بِرِن لِ. 
نَ دَنفِ شَنبِ فَلَنيِ بُلَ. عَ لُمَ عَلْ عَلَ وَ مَ عَ شُي شُنفبٍ شَ مّ يِرٍ بِرِن. 
عَلَ شُي قِندِشِ كَابَنَكٌي نَن نَ. عَ قٍ شُنفبٍ رَبَمَ وٌن مُ نَشَن قَهَامُمَ. 
عَ عَ قَلَمَ بَلَبَلَنيِ بّ، ‹فٌرٌ بْشِ مَ.› عَ تُنّ يٍ قَن نَفٌرٌ عَ فبٍفبٍ رَ. 
عَ عَدَ مَدِيٍ شَ وَلِ بِرِن دَنمَ نّ كٍرٍنيِ رَ، عَلَكٌ عٍ شَ عَ كٌلٌن عَ تَن نَن نَ بِرِن نَفِرِ مَ. 
سُبٍ شَاحّيٍ قَن سٌمَ عٍ لِنفِرَ نَ تّمُي نّ. 
تُرُننَادّ قٌيٍ كٍلِمَ عَ يِرٍ، عَ سَ قِندِ قٌيٍ شِنبٍلِ رَ كْولَ مَ. 
عَلَ عَ حّنفِ قٌيٍ قِندِ مَ بَلَبَلَنيِ رَ عَ بَا يٍ قَرِ بِرِن نَشْرْشْ فبٍن، 
عَ نُشُييٍ رَشِنبٍلِ، عَ عَ شَ سٍيَمَكْنيِ لُ عٍ مَ. 
عَ شَ يَمَرِ نَن نَ بِرِن نَ، عَ تَن نَن نٍيٍ بِرِن نَحّرّ مَ دُنِحَ بّندّ قُحِ قَرِ، عَ وَشْنقٍ رَبَقٍ رَ. 
نَ بِرِن لُمَ عَلْ لُشُسِنيِ عَ بْشِ عِسٍيٍ شُنسِنمَ نَشَن نَ، شَ نَ مُ عَ رَ، عَلْ قٍ قَنيِ عَ هِننّمَ عٍ رَ نَشَن نَ.» 
«عَيُبَ، عِ شَ عِ تُلِ مَتِ ﭑ مَ مَسٍنيِ رَ. عِ شَ عَلَ شَ كَابَنَكٌي مَتٌ. 
عِ نَ بِرِن نَبَ كِ كٌلٌن عَلَ يِ رَ؟ عَ سٍيَمَكْنيِ رَ مِنِمَ نُشُي كُي كِ نَشّ، عِ نَ كٌلٌن؟ 
نُشُي لُمَ كٌورٍ مَ كِ نَشّ، عِ نَ قَن كٌلٌن؟ نَ بِرِن قِندِشِ عَلَ شَ لْننِ شُنفبٍ نَن نَ نَشَن مَنِيّ مُ نَ. 
قٌيٍ قُرٍ نّقّ مِنِ، كُيٍ عِقُرَ مَ عِ تَن نَشَن مَ، 
عِ قَن نْمَ كٌورٍ وَلَشّ ندٍ يَءِلَندٍ عَلْ عَلَ؟ 
مُشُ نَشَن مَسٍنمَ عَلَ بّ نَ قَلَ مُشُ بّ بَ. نَ لْننِ مْولِ مُ مُشُ يِ. 
ﭑ نَ وْيّن، قٌ مِشِ فبّتّ شَ نَ رَدَنفِ نّ عَ مَ؟ قٌ قٍ ندٍ شَ قَلَ عَ بّ عَ قَ كٌلٌن سْتْ نَ مَ؟ 
يَكْسِ سٌفٍ مُ تٌمَ نُشُييٍ شَنبِ رَ، قٌ قٌيٍ عٍ بَ عَ يَ مَ.» 
«يَنبّ تٌقَنيِ ندٍ نَ كٍلِقٍ كْولَ مَ، نَشَن قِندِشِ عَلَ شَ نْرّ شُنفبٍ رَ. 
عَدَ مَ مُ نْمَ عَلَ سّنبّ كَنيِ لِدٍ. عَ سّنبّ فبٌ، عَ تِنشِن. عَ مُ نْمَ تِنشِنتْي تْورْدٍ. 
عَدَ مَ لَن عَ شَ فَاشُ عَلَ يَ رَ نَ نَن مَ. يّتّ عِفبٌي مُ رَقَن عَ مَ.»