عَيُبَ.
40.
عَلَتَلَ مَن نَشَ عَ مَسٍن عَيُبَ بّ، 
«عِ تَن نَشَن عَلَ سّنبّ كَنيِ كَلَمُمَ، عِ سُو سَمَ عَ رَكِيتِدٍ؟ شَ لْننِلَ نَ عِ تَن نَ، يَابِ ندٍ تِ يِ بِرِن مَ بَ.» 
عَيُبَ نَشَ عَلَتَلَ يَابِ، 
«مِشِ شُرِ دِ نَن ﭑ نَ. ﭑ تَن عِ يَابِمَ مُنسٍ رَ؟ ﭑ بَرَ ﭑ دّ سُشُ ﭑ بّلّشّ رَ، ﭑ دُندُ يٍن. 
ﭑ وْيّن نّ كٍرٍن، ﭑ نَشَ وْيّن قِرِن. نَ شَنبِ، ﭑ مُ سٍسٍ سَمَ نَ قَرِ سْنْن.» 
عَلَ مَن نَشَ عَ مَسٍن عَيُبَ بّ تُرُننَادّ قٌيٍ كُي، 
«عِ عِ تَفِ شِرِ فبٍن عَلْ فبَنفبَلَنيِ، ﭑ شَ مَشْرِنيِ ندٍيٍ تِ عِ مَ، عِ شَ ﭑ يَابِ. 
عِ مُ لَشِ عَ رَ ﭑ مَ كِيتِ تِنشِن؟ عِ وَ مَ نْندِ بَقٍ ﭑ يِ رَ نّ، عَ شَ لُ عِ تَن بّ؟ 
عِ سّنبّ فبٌ عَلَ فبٍ بّ؟ عِ شُي مَفَاشُ عَلْ عَ فبٍ؟ 
نَ كُي، عِ عِ مَشِرِ نْرّ نُن شُننَكٍلِ رَ بَ، عِ شَ تٌقَن، عِ شَ عِ سّنبّ مَسٍن. 
عِ شَ عِ شَ شْنّ مَفَاشُشِ رَ مِنِ بَ، عِ يّتّ عِفبٌييٍ شُن نَكَنَ. 
عٍ بِرِن كُنتَن، مِشِ حَاشِيٍ عِفبَنتُ عٍ يِرٍ. 
بّندّ رَدِن عٍ بِرِن شُن نَ، عٍ بَلَن فَبُرِ كُي. 
نَ تّمُي ﭑ قَن يّتّ يَتِ عِ مَتْشْمَ نّ، بَرِ مَ عِ يّتّ سّنبّ بَرَ عِ رَكِسِ.» 
«مَلِ مَتٌ بَ عَ قَنيِ رَ، نَ سُبٍ مَفَاشُشِ ﭑ نَشَن دَاشِ عَلْ ﭑ عِ قَن دَاشِ كِ نَشّ. عَ حٌوفٍ دٌنمَ عَلْ نِنفٍ. 
عَ سّنبّ فبٍ نَ عَ فُنفُي نّ، سّنبّ مَلَنشِ عَ قُرِ كِرِ بُن. 
عَ شُلِ سّنبّ فبٌ عَلْ كٌندٍ بِلِ، عَ سَنيِ قَسّيٍ وُيَ، عٍ فَدَرَ. 
عَ شْرِيٍ لُشِ عَلْ يْشُي، شَ نَ مُ عَ رَ وُرٍ. 
عَلَ شَ دَالِسٍ قِسَمَنتٍ نَن عَ رَ، كْنْ عَ فَاشُمَ عَلَ شَ سَنتِدّفّمَ يَ رَ. 
عَ عَ بَلٌي قٍنمَ فٍيَيٍ كْن سُبٍ شَاحّيٍ يَ مَ. 
عَ شِمَ نِينِ بُن مَ، عَ عَ نْشُن دَبٌنيِيٍ كُي. 
عَ عَ مَلَبُمَ وُرِ بِلِيٍ نِينِ بُن مَ، نَشٍيٍ نَ دَبٌن دّ رَ. 
دَبٌنيِ يٍ شَ فبٌي مُ عَ مَفَاشُمَ. يُرُدّن شُرٍ نَ بَنبَرَن يّ، عَ مُ عَ تْورْ مَ. 
عَ يَ رَبِشِ نْمَ سُشُدٍ؟ عَ نْمَ سُشُدٍ فَنتَنيِ رَ، عَ حْي شَ تُنبَ؟» 
«عِ نْمَ سْحّ سُشُدٍ كْنيِ رَ؟ عِ نْمَ عَ دّ شِرِدٍ، عِ عَ بَ يٍ شْورَ؟ 
عِ نْمَ عَ حْي، شَ نَ مُ عَ رَ عَ دّ تُنبَدٍ، عِ لُوتِ سَ عَ مَ؟ 
عَ عِ مَيَندِ مَ عِ شَ عَ قُلُن؟ عَ هَيِ نَ وْيّنيِ حْشُنمّ مَ عَ قَلَقٍ رَ عِ بّ؟ 
وٌ سَاتّ شِرِ مَ؟ عَ قِندِ مَ عِ شَ كٌنيِ رَ عَ شَ سِمَيَ كُي؟ 
عِ نْمَ بٍرٍدٍ عَ رَ عَلْ شْنِ دِ؟ عِ نْمَ عَ شِرِدٍ، عَ قِندِ عِ شَ دِيٍ شَ بٍرٍ سٍ رَ؟ 
عِ نْمَ عَ مَتِدٍ؟ يُلّيٍ عَ عِتَشُنمَ عٍ بٌرٍ مَ؟ 
عِ نْمَ عَ كِرِ مَسْشْدٍ تَنبّيٍ رَ؟ عِ نْمَ عَ شُنيِ سْشْدٍ سْشْسٍ ندٍ رَ؟ 
فٍرٍ تِ عَ بّ، نَ مُ نّيمُمَ عِ رَ. عِ مُ نَ عِقِرِنمَ سْنْن.»