يَبُرَ.
7.
دَوُدَ شَ بّيتِ مْولِ ندٍ عَلَتَلَ بّ كُسِ بُنيَمِنكَ شَ قٍ رَ. 
ﭑ مَرِفِ عَلَتَلَ، عِ تَن نَن نَ ﭑ كَنتَمَ رَ. ﭑ نَتَنفَ ﭑ يَشُييٍ مَ، ﭑ بَ عٍ يِ رَ، 
عٍ نَشَ ﭑ قَشَ عَلْ يّتّ مِشِ قَشَمَ كِ نَشّ. عَ نَ نَشَن سُشُ، نَ مُ بَمَ عَ يِ رَ. 
ﭑ مَرِفِ عَلَتَلَ، شَ ﭑ بَرَ كْبِرِ رَ مُرُتَ، 
شَ ﭑ بَرَ قٍ حَاشِ رَبَ مِشِ رَ، مُشُ نُن نَشَن دْشْشِ بْحّسَ كُي، شَ ﭑ بَرَ ﭑ فٍرٍقَ مُحَ تْوحّفّ كُي، 
ﭑ يَشُييٍ شَ ﭑ كٍرِ، عٍ شَ ﭑ مَسْتْ، عٍ شَ ﭑ مَبٌرٌن، عٍ ﭑ قَشَ. 
عَلَتَلَ، ﭑ مَلِ، عِ بْحّ شَ تٍ ﭑ يَشُييٍ مَ. ﭑ دّ مّن، سّرِيّ نَ عِ تَن نَشَن يِ رَ. 
عِ شَ نْي شَ لُ حَمَيٍ شُن، عٍ شَ لُ عِ شَ يَامَرِ بُن مَ. 
عَلَتَلَ، حَمَيٍ مَكِيتِ. عَلَتَلَ، ﭑ مَ نْندِ مَكّنّن عٍ بّ ﭑ مَ تِنشِنيِ نُن ﭑ مَ سّرِيّ بّرّ رَ. 
دَنيِ سَ قٍ كٌبِ رَبَيٍ شَ قٍ مَ. سّنبّ قِ مِشِ تِنشِنشِيٍ مَ عِ تَن، عَلَ نَشَن تِنشِن، نَشَن بِرِن سٌندٌن مَ قٍ كٌلٌن. 
عَلَ، ﭑ كَنتَمَ نَ عِ تَن نَن نَ، نَشَن مِشِ تِنشِنشِ رَكِسِمَ. 
كِيتِسَ قَنيِ نَن نَ عَلَ رَ، نَشَن شْنْمَ تِنشِنتَرٍيٍ مَ تّمُي بِرِن. 
شَ مِشِ حَاشِيٍ مُ فبِلٍن عٍ يُفٍ قْشْ رَ، عَلَ عَ شَ سَنتِدّفّمَ رَلُفَنمَ نّ، عَ عَ شَ شَلِ مَشِرِ. 
عَلَ نَ قَشَتِسٍ يَءِلَنمَ مِشِ حَاشِيٍ نَن شِلِ مَ، عَ عَ شَ تَنبّيٍ دّ قِندِ تّ رَ. 
مِشِ حَاشِ لُمَ قٍ حَاشِ نَن تُن نَبَ رَ. عَ عَ حْشْ سَ عَ شْن مَ هَن عَ قِندِ عَ رَ. 
عَ يِلِ فٍمَ هَن عَ تِلِن، عَ قَ بِرَ عَ يّتّ شَ يِلِ فٍشِ كُي. 
عَ شَ قٍ حَاشِ نُن عَ شَ فٍرٍفِرِ بَرَ فبِلٍن عَ مَ. 
ﭑ عَلَتَلَ تَنتُمَ نّ عَ شَ تِنشِنيِ شَ قٍ رَ. ﭑ سُوكِ بَمَ نّ عَلَتَلَ شِلِ رَ، عَلَ شِلِ شُنفبٍ كَنيِ.