يَبُرَ.
8.
دَوُدَ شَ بّيتِ بّيتِبَيٍ شَ مَنفّ بّ. عَ شَ بَ مَشَسٍ لُوتِ دَاشِ شُي رَ. 
مُشُ مَرِفِ عَلَتَلَ! شِلِ شُنفبٍ كَنيِ نَن لَنشِ عِ مَ دُنِحَ بّندّ قُحِ قَرِ، عِ تَن نَشَن مَ نْرّ نَ كٌورٍ مَ. 
دِ مّيٍ نُن دِيْرّيٍ عِ سّنبّ مَتْشْمَ، عِ عِ يَشُييٍ نُن عِ فٍرٍقَيٍ دّ بَلَنمَ نَ مَتْشْي رَ. 
ﭑ نَ كٌورٍ مَتٌ، عِ نَشَن يَءِلَنشِ عِ بّلّشّ رَ، كِكٍ عَ نُن تُنبُييٍ، 
ﭑ نَن ﭑ يّتّ مَشْرِنمَ نّ، «مُنسٍ لَنشِ عَدَ مَ مَ عِ تٌ عِ مَحْشُنمَ عَ شَ قٍ مَ؟ مُنسٍ لَنشِ عَدَ مَدِ مَ عِ تٌ عِ حّنفِ سَمَ عَ شَ قٍ شْن مَ؟ 
عِ عَ دَاشِ كِ نَشّ، عَ فبٍ مُ لُشِ عَ شَ قِندِ مَلٍكّ رَ. عِ بَرَ بِنيّ نُن قِسَمَنتٍيَ قِ عَ مَ. 
عِ بَرَ يَامَرِ سٌ عَ يِ رَ عِ شَ دَالِسٍيٍ بِرِن شُن مَ. عِ بَرَ دُنِحَ قِندِ عَ سَنيِ بُن مَ سٍ رَ؛ 
يّشّييٍ، نِنفٍيٍ، وُلَءِ سُبٍيٍ، 
شْنِ نَشٍيٍ حّرّ مَ كٌورٍ مَ، يّشّ نَشٍيٍ بِرِن حّرّ مَ بَا مَ. 
مُشُ مَرِفِ عَلَتَلَ! شِلِ شُنفبٍ كَنيِ نَن لَنشِ عِ مَ دُنِحَ بّندّ قُحِ قَرِ!»