يَبُرَ.
10.
عَلَتَلَ، عِ عِ مَكُيَشِ ﭑ نَ مُنقٍ رَ؟ عِ عِ نْشُنشِ مُشُ مَ مُشُ شَ تْورّ كُي مُنقٍ رَ؟ 
يّتّ عِفبٌي سٍتَرٍيٍ تْورْ مَ، عَ شَ مَحْشُنيِ كٌبِ نْمَ عٍ رَ. 
عَ عَ يّتّ عِفبٌمَ عَ شَ وَلِ حَاشِ شَ قٍ رَ. عَلَتَلَ شْنْمَ عَ شَ نَاقُلِ سْتْ كِ مَ. 
مِشِ حَاشِ يّتّ عِفبٌي نَشّ، «عَلَ مُ نَ! عَ مُ نْمَ سٍسٍ رَبَدٍ ﭑ نَ!» عَ شَ مَحْشُنيِ بِرِن نَن يَ. 
عَ شَ وَلِ بِرِن سْونّيَمَ نّ. عَ مُ فَاشُمَ عَلَ شَ كِيتِ يَ رَ. عَ يٌمَ عَ يَشُييٍ مَ. 
عَ مَحْشُنمَ عَ بْحّ مَ، «سٍسٍ مُ عَ نِيَمَ ﭑ بِرَ. تْورّ مَن مُ ﭑ سُشُمَ.» 
عَ دّ مِشِ دَنكَمَ، عَ وُلٍ قَلَ. عَ قٍ حَاشِ تِنشِنتَرٍ نَن تُن قَلَمَ. 
عَ مِشِ مّلّنمَ تَا قَرِ مَ، عَ شَ مِشِ قَنيِ قَشَ. عَ مُ تَفَنمَ قٍ حَاشِ رَبَقٍ رَ مِشِ قَنيِ رَ. 
عَ سٍتَرٍيٍ مّلّنمَ عَلْ يّتّ. عَ عٍ سُشُ عَ شَ فَنتَنيِ رَ. 
نَ سٍتَرٍيٍ لُمَ عَ شَ نْي بُن مَ. 
عَ عَ قَلَمَ عَ بْحّ كُي، «عَلَ مُ سٍسٍ تٌمَ. عَ يَ رَشِشِ.» 
عَلَتَلَ كٍلِ! عِ نَشَ نّيمُ سٍتَرٍ مَ. 
مُنقٍ رَ مِشِ حَاشِ يٌمَ عَلَ مَ؟ مُنقٍ رَ عَ عَ قَلَمَ عَ يّتّ بّ، «عَلَ مُ ﭑ حَشَنكَتَمَ»؟ 
كْنْ عَلَ، عِ تْورّ نُن نِمِسّ تٌمَ. عِ تْورْ مِشِيٍ مَلِمَ. نَشَن مُ نْمَ عَ يّتّ كَنتَدٍ، عَ عَ يّتّ تَشُمَ عِ تَن نَ نَ. عِ تَن نَن نَ كِرِدِ مَلِمَ رَ. 
مِشِ حَاشِ سّنبّ كَنَ! عٍ حَشَنكَتَ عٍ شَ قٍ حَاشِ شَ قٍ رَ! عٍ رَلْي يِ دُنِحَ مَ! 
مَنفّ نَن عَلَتَلَ رَ. نَ مُ كَنَمَ عَبَدَن. كُيٍ بَتُي مُ لُمَ عَ شَ بْشِ مَ. 
عَلَتَلَ، عِ عِ تُلِ تِشِ مِشِ مَفٌرٌشِيٍ رَ. عِ لِمَنِيَ قِمَ عٍ مَ. عِ عٍ شَ مَشَندِ سُشُمَ. 
عِ تْورْ مِشِ نُن كِرِدِ كَنتَمَ، عَلَكٌ عَدَ مَدِ نَشَن قِندِشِ بّندّ رَ، عَ نَشَ عٍ مَفَاشُ.