يَبُرَ.
14.
دَوُدَ شَ بّيتِ بّيتِبَيٍ شَ مَنفّ بّ شَشِلِتَرٍ عَ قَلَمَ عَ بْحّ كُي، «عَلَ مُ نَ.» عَ بْحّ بَرَ كَنَ، عَ حَاشُحَ نَن تُن نَبَمَ. قٍ قَنيِ رَبَيٍ مُ نَ سْنْن. 
عَلَتَلَ عَ يَ رَفٌرٌقٍ عَدَ مَدِيٍ مَ كٍلِ عَرِيَننَ، عَ شَ عَ تٌ شَ لْننِلَ ندٍ نَ نَ نَشَن عَلَ قٍنمَ. 
كْنْ بِرِن بَرَ كِرَ بّحِن، عٍ حَاشُ. هَلِ قٍ قَنيِ رَبَمَ كٍرٍن مُ نَ سْنْن. 
مَحْشُنيِ قَنيِ مُ نَ قٍ كٌبِ رَبَيٍ بّ؟ عٍ نَ ﭑ مَ حَمَ شَ فٍينِ نَن تُن دٌنقٍ. عٍ مُ عَلَتَلَ شِلِمَ قٍقٍ مَ. 
كْنْ عٍ قَمَ سّرّندٍ عَلَ يَ رَ، نَشَن نَ تِنشِنتْييٍ يَ مَ. 
وٌ بَرَ وَ سٍتَرٍيٍ وَشْنقٍ كَنَقٍ، كْنْ عٍ كَنتَ مَرِفِ عَلَتَلَ نَ نَ. 
ندٍ قَمَ كِسِ رَ عِسِرَيِلَ بّ كٍلِقٍ سِيٌن؟ عَلَتَلَ نَن قَمَ عَ شَ حَمَ رَ مِنِدٍ كٌنيِيَ كُي. يَشُبَ بْنسْي سّيوَ مَ نّ، عِسِرَيِلَ حّلّشِنمَ نّ!