يَبُرَ.
21.
دَوُدَ شَ بّيتِ بّيتِبَيٍ شَ مَنفّ بّ 
عَلَتَلَ، مَنفّ بَرَ سّيوَ عِ سّنبّ رَ. عَ شَ حّلّشِنيِ فبٌ بَرِ مَ عِ بَرَ عَ رَكِسِ. 
عِ بَرَ عَ وَشْنقٍ رَبَ، عِ بَرَ عَ شَ دُبّ سُشُ. حّنفِ رَتٍ. 
عِ قَمَ بَرَكّ رَ عَ بّ، عِ تْنشُمَ مَنفّ دَاشِ دْشْمَ عَ شُن مَ، عَ يَءِلَنشِ شّيمَ رَ. 
عَ بَرَ عِ مَشَندِ عَ شَ سِمَيَ شَ قٍ رَ. عِ بَرَ نَ مَشَندِ سُشُ، عَ شَ سِمَيَ شْن نَشَ كُيَ هَن. 
عِ تٌ عَ رَكِسِ، عَ شَ بِنيّ نَشَ فبٌ. عِ نَشَ شُننَكٍلِ نُن بِنيّ قِ عَ مَ. 
عِ نَشَ عَ قِندِ بَرَكَتْي شُنفبٍ رَ. عِ نَشَ عَ رَ سّيوَ عِ يَ عِ. 
مَنفّ لَمَ عَلَتَلَ نَن نَ. عَ مُ بِرَ مَ عَلَ شِلِ شُنفبٍ شَ هِننّ سَابُي رَ. 
عِ قَمَ عِ يَشُي بِرِن سُشُدٍ. عِ قَمَ نْدٍ عِ شْنمِشِيٍ رَ. 
عِ نَ قَ، عِ عٍ حْنمَ نّ، عَلْ تّ بٍلٍبٍلٍ وُرِ فَنمَ كِ نَشّ. عَلَتَلَ شْنْمَ عٍ مَ هَن تّ عٍ فَن. 
عِ بْنسْييٍ بَمَ نّ دُنِحَ مَ، عِ عَدَ مَدِيٍ رَحْن. 
عٍ بَرَ وَ قٍ حَاشِ رَبَقٍ عِ رَ. عٍ بَرَ كَتَ هَن، كْنْ نَ مُ قِندِشِ سْونّيَ يٌ رَ عٍ بّ، 
بَرِ مَ عِ تَن نَن قَمَ عٍ رَفِدٍ عِ شَ شَلِ رَ. 
عَلَتَلَ، عِ شَ عِ سّنبّ مَسٍن عٍ بّ. مُشُ وَ مَ بّيتِ بَقٍ عِ يَ شْرِ، مُشُ شَ عِ مَتْشْ عِ سّنبّ شَ قٍ رَ.