يَبُرَ.
28.
دَوُدَ فبٍ عَلَتَلَ، ﭑ بَرَ عِ شِلِ. عِ شَ سّنبّ لُمَ ﭑ بّ عَلْ قَنيٍ. عِ تُلِ مَتِ ﭑ نَ، شَ نَ مُ عَ رَ ﭑ لُمَ عَلْ قَشَ مِشِ. 
ﭑ نَ ﭑ بّلّشّ عِتٍ عِ بّ عِ شَ يِرٍ سّنِيّنشِ مَبِرِ، عِ شَ ﭑ مَ مَشَندِ شُي رَ مّ. 
عِ نَشَ ﭑ لُ عَلْ مِشِ حَاشِيٍ نُن تِنشِنتَرٍيٍ. عٍ عٍ بٌورٍ يَنقَمَ، عٍ بْحّ مُ قَن. 
عٍ شَ وَلِ كٌبِ سَرٍ رَفبِلٍن عٍ مَ. عٍ نَشَن نَبَشِ مِشِيٍ رَ، عِ شَ نَ رَبَ عٍ قَن نَ. عَ لَنمَ عٍ شَ نَ مْولِ سْتْ، 
بَرِ مَ عٍ مُ عَلَتَلَ شَ وَلِ كٌلٌن. عَ قَمَ عٍ رَبِرَدٍ، عٍ مُ كٍلِ سْنْن. 
عَلَتَلَ تَنتُ، عَ بَرَ ﭑ مَ دُبّ سُشُ. 
عَلَتَلَ نَن نَ ﭑ سّنبّ نُن ﭑ كَنتَمَ رَ. ﭑ شَشِلِ تِشِ عَ تَن نَن نَ نَشَن ﭑ مَلِمَ. ﭑ بْحّ سّيوَ مَ نّ، ﭑ قَ بّيتِ بَ عَ بّ. 
عَلَتَلَ نَن عَ شَ حَمَ سّنبّ رَ، عَ قِندِ عَ شَ مِشِ سُفَندِشِ كَنتَمَ رَ. 
عِ شَ حَمَ رَكِسِ، عِ شَ بَرَكّ رَفٌرٌ عٍ مَ. مّينِ عٍ مَ عَلْ شُرُ سٍ دّ مَدٌنيِ مّينِمَ عَ شَ فْورّ مَ كِ نَشّ. عِ حّنفِ دْشْ عٍ شْن مَ عَبَدَن.