يَبُرَ.
36.
عَلَتَلَ شَ كٌنيِ دَوُدَ شَ بّيتِ بّيتِبَيٍ شَ مَنفّ بّ 
ﭑ بَرَ مِشِ حَاشِ شَ مَتَندِ مَحْشُن ﭑ بْحّ كُي. عَ مُ عَ كٌلٌن عَ لَنمَ عَ شَ فَاشُ عَلَ يَ رَ. 
عَ عَ يّتّ عِفبٌمَ هَن عَ مُ نْمَ عَ شَ يُنُبِ تٌدٍ، عَ مُ نْمَ عَ حّرّ كِ شْندٍ. 
عَ شَ وْيّنيِ حَاشُ، عَ نُ مِشِ مَدَشُ تُن. عَ مُ قٍ قَنيِ يٌ كٌلٌن. 
عَ قٍ حَاشِ مَحْشُنمَ كْي رَ، عَ قَ كِرَ حَاشِ سُشُ، بَرِ مَ عَ مُ تٌندِ مَ قٍ كٌبِ لُدٍ. 
عَلَتَلَ، عِ شَ هِننّ كٌورٍ لِمَ، عِ شَ دُفُتّفّحَ سِفَمَ هَن نُشُي. 
عِ شَ تِنشِنيِ فبٌ عَلْ فٍيَيٍ. عِ شَ كِيتِ تِلِن عَلْ بَا. عِ تَن نَن عَدَ مَدِيٍ نُن سُبٍيٍ رَكِسِمَ. 
عَلَ، عِ شَ هِننّ قَن. عَدَ مَدِيٍ بِرِن يِفِيَ سْتْمَ نّ عِ يِ رَ، عَلْ تْشْي يْرّيٍ لُمَ عٍ نفَ فَبُتٍنيِيٍ بُن مَ كِ نَشّ. 
عٍ وَ سَمَ عِ شَ نّمّ نَن نَ، عِ شَ قٍ قَنيِ لُمَ عٍ بّ عَلْ يٍ شِنبٍلِ. 
عِ تَن نَن فبَنسَن نْمَ عَدَ مَ رَبَلٌدٍ. عِ شَ نَءِيَلَنيِ بَرَ مُشُ شَ كِرَ عِيَلَن. 
عِ شَ هِننّ عِ كٌلٌنمَيٍ رَ، عِ شَ عِ شَ تِنشِنيِ مَسٍن تِنشِنتْييٍ بّ. 
عِ شَ ﭑ نَتَنفَ يّتّ عِفبٌييٍ مَ، عِ نَشَ عَ لُ مِشِ حَاشِيٍ شَ ﭑ كٍرِ. 
تِنشِنتَرٍيٍ بِرَ مَ نّ، عٍ مُ نْمَ كٍلِدٍ سْنْن.