يَبُرَ.
45.
كٌرَ شَ دِيٍ شَ لْننِ بّيتِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «قُفٍ تٌقَنيِيٍ.» شَنُنتٍيَ سِفِ. 
وْيّن قَنيِيٍ بَرَ ﭑ بْحّ رَقٍ. ﭑ شَ يِ وَلِ رَبَ مَنفّ بّ. ﭑ نّنيِ لُمَ نّ عَلْ سّبّلِتِ قَنيِ شَ كَلٍ. 
عِ تٌقَن عَدَ مَدِ بِرِن بّ، عِ قَتَ وْيّن حْشُنمّ تِدٍ، بَرِ مَ عَلَ بَرَكّ سَمَ عِ شَ قٍ مَ تّمُي بِرِن. 
عِ شَ عِ شَ سَنتِدّفّمَ شِرِ عِ تَفِ، عَلَكٌ عِ شَ شُننَكٍلِ نُن عِ شَ بِنيّ شَ كٌلٌن. سْورِ سّنبّمَ نَن عِ رَ. 
عِ سّنبّ فبٌ. تٍ عِ شَ سْورِ رَفِسٍ قَرِ، نْندِ، مَفٌرٌي، نُن تِنشِنيِ شَ قٍ رَ. عِ شَ قٍ شُنفبٍ رَبَ. 
عِ شَ تَنبّيٍ مَفَاشُ. عٍ قَمَ عِ يَشُييٍ سٌندٌنيِ سْشْدٍ، سِيٍ بِرَ مَ نّ عِ سَنيِيٍ بُن. 
«عَلَ، عِ شَ مَنفّ كِبَنيِ بُمَ نّ عَبَدَن. تِنشِنيِ نَن قِندِشِ عِ شَ مَنفّيَ تْنشُمَ رَ.» 
تِنشِنيِ نَن نَقَن عِ مَ. حَاشُيحَ مُ رَقَن عِ مَ قٍقٍ مَ. نَ نَن عَ تٌشِ عِ مَرِفِ عَلَ بَرَ عِ سُفَندِ سّيوّ كُي. قِسَمَنتٍ نَن عِ رَ دَنفِقٍ عِ بٌورٍيٍ رَ. 
لَبُندّ نُن سٍ شِرِ حْشُنمّ نَ عِ شَ دُفِ مَ. شُلُنيِ تِمَ عِ شَ مَنفّ بَنشِ تٌقَنيِ كُي. كْرَيٍ حّلّشِنيِ شُي رَ مِنِمَ عِ بّ. 
مَنفّيٍ شَ دِ فِنّيٍ لُمَ عِ سّيتِ مَ، عِ شَ فِنّ قَن نَ عِ قّ مَ، عَ مَشِرِشِ شّيمَ تٌقَنيِ رَ. 
ﭑ مَ دِ فِنّ، عِ تُلِ مَتِ ﭑ نَ. عِ نَشَ كَنكَن عِ بْنسْي مَ، شَ نَ مُ عَ رَ عِ شَ دٍنبَيَ نُن عِ بَبَ مَ. 
عِ شَ عِ عِفٌرٌ مَنفّ بّ نَشَن قِندِشِ عِ مَرِفِ رَ. عِ تٌقَن، عِ رَقَن عَ مَ كِ قَنيِ. 
تِرٍكَيٍ قَمَ بُنسٍيٍ رَ عِ بّ، نَاقُلِ كَنيِيٍ قَن قَنمَ عِ بِنيَدٍ. 
مَنفّ شَ دِ فِنّ سٌمَ بَنشِ كُي، عَ مَشِرِشِ دُفِ تٌقَنيِ رَ، شّيمَ نَ عَ مَ. 
عَ شَ كٌنيِ فِنّيٍ عَ مَتِمَ مَنفّ شْن. مَنفّ قَن مَشِرِشِ دُفِ تٌقَنيِ رَ. 
فِنّ سٌ تّمُي، مِشِ بِرِن حّلّشِنشِ، عٍ شُلُنيِ تِمَ. 
عِ شَ دِيٍ قَمَ لُدٍ عَلْ عِ بٍنبَيٍ، عٍ قِندِ مَنفّيٍ رَ بْشِ بِرِن شُن مَ. 
ﭑ عِ تَن قِندِ مَ شِلِ كَنيِ نَن نَ عَبَدَن. بْنسْي بِرِن عِ مَتْشْمَ نّ وَشَتِ يٌ وَشَتِ.