يَبُرَ.
46.
كٌرَ شَ دِيٍ شَ بّيتِ بّيتِبَيٍ شَ مَنفّ بّ فِنّدِ مّدِ شُي دَاشِ 
عَلَ، وٌن كَنتَمَ نَن عَ رَ. وٌن مَ كَنتَرِ نَ عَ يِ رَ. عَ وٌن مَلِمَ وٌن مَ تْورّ بِرِن كُي. 
شَ بْشِ سَ سّرّن، وٌن مُ فَاشُمَ. شَ فٍيَ سَ بِرَ بَا مَ، وٌن مُ فَاشُمَ. 
شَ مْرْنيِيٍ سَ شَاحّ، وٌن مُ فَاشُمَ. شَ فٍيَ سَ عَ عِمَشَ، عَ سّرّن، وٌن مُ فَاشُمَ. 
شُرٍ نَن عَ رَ، نَشَن سَلٌنيِيٍ عَلَ شَ تَا رَ سّيوَ مَ. عَلَ شِلِ شُنفبٍ كَنيِ شَ هْرْ مْلِنفِرَ سّنِيّنشِ نَ مّننِ نّ. 
عَلَ نَ نَ تَا كُي، نَ تَا مُ عَ رَ مَشَمَ، عَ عَ مَلِمَ سُبَشّ نّقّ عَ لِ. 
سِيٍ سْنشْي رَتٍمَ، مَنفّيَيٍ بِرَ مَ نّ. عَلَ نّقّ عَ شُي رَ مِنِ، دُنِحَ بِرِن شُنُنمَ نّ. 
مَنفّ عَلَتَلَ نَ وٌن سّيتِ مَ. وٌن مَ كَنتَرِ نَ يَشُبَ مَرِفِ عَلَ يِ رَ. 
وٌ قَ عَلَتَلَ شَ وَلِ مَتٌ، عَ فبَلٌي نَشَن لُشِ بْشِ مَ. 
عَ تَن نَن فٍرٍ حْنمَ دُنِحَ بِرِن مَ. عَ شَلِ فِرَ مَ نّ. عَ تَنبّ كَنَمَ نّ، عَ مَكَنتَسٍ فَن. 
«وٌ وٌ رَشَرَ، وٌ شَ عَ كٌلٌن عَلَ نَ ﭑ تَن نَن نَ. ﭑ سِ بِرِن يَمَرِ مَ. ﭑ مَ يَامَرِ نَ دُنِحَ بِرِن مَ.» 
عَلَتَلَ نَ وٌن سّيتِ مَ، وٌن مَ كَنتَرِ نَ يَشُبَ مَرِفِ عَلَ يِ رَ.