يَبُرَ.
49.
كٌرَ شَ دِيٍ شَ بّيتِ بّيتِبَيٍ شَ مَنفّ بّ 
وٌ وٌ تُلِ مَتِ يِ رَ، وٌ تَن حَمَ بِرِن. دُنِحَ حَمَ بِرِن، وٌ وٌ تُلِ مَتِ ﭑ نَ. 
تِدٍ شُرِ كَنيِ، تِدٍ شُنفبٍ كَنيِ، سٍتَرٍ عَ نُن سٍ كَنيِ، وٌ بِرِن شَ وٌ تُلِ مَتِ. 
ﭑ قَمَ وْيّنيِ هَفِفّ نَن قَلَدٍ وٌ بّ، ﭑ بْحّ شَشِلِ قَنيِ نَشَن مَحْشُنشِ. 
ﭑ نَن ﭑ تُلِ تِشِ تَالِ رَ، ﭑ قَمَ نَ تَفِ رَبَدٍ وٌ بّ كْرَ شُي رَ. 
مُنقٍرَ ﭑ قَ فَاشُمَ فبَلٌي لْشْي يَ رَ، ﭑ يَشُييٍ شَ قٍ كٌبِ ﭑ نَبِلِنمَ تّمُي نَشّ؟ 
عٍ لَشِ عٍ شَ بَننَيَ نَن نَ، عٍ نُ قَ عٍ يّتّ مَتْشْ عٍ هَرِفٍ شَ فبٌي رَ. 
عٍ مُ نْمَ عٍ بٌرٍ شُنسَرَدٍ، عٍ مُ نْمَ عٍ شُنسَرٍ قِدٍ عَلَ مَ. 
عٍ نِي شُنسَرٍ شْرْشْ، عٍ مُ نْمَ عَ قِدٍ عَبَدَن. 
عٍ تَن مُ قَشَمَ؟ عٍ مُ سِفَمَ عَلِفِيَمَ؟ 
وٌن عَ تٌمَ، لْننِلَيٍ قَشَمَ، لْننِتَرٍيٍ قَن قَشَمَ نّ. عٍ قَ عٍ هَرِفٍ لُ مِشِ فبّتّيٍ يِ رَ. 
مِشِ نَشٍيٍ عٍ شِلِيٍ سَشِ بْشِيٍ شُن مَ، عٍ مَحْشُنشِ نّ عٍ شَ بَنشِيٍ لُمَ نّ نَا عَبَدَن، عٍ شْنيِ مُ كَنَمَ كٍلِ لَنقَنمَيٍ مَ، عَ سَ دْشْ لَنقَنمَ فبّتّيٍ رَ. 
هَلِ مِشِ شُنفبٍ، عَ مُ بُمَ. عَ قَشَمَ نّ عَلْ سُبٍيٍ. 
مِشِ نَشٍيٍ لَشِ عٍ يّتّ رَ، عٍ شَ كِرَ نَن يَ. عٍ شُي رَقَن نَشٍيٍ مَ، نٍيٍ بِرَ مَ نّ عٍ قْشْ رَ. 
عٍ عَلِفِيَمَ لِمَ نّ. قَشّ عٍ رَلْيمَ نّ. مِشِ تِنشِنشِيٍ عٍ مَبٌرٌنمَ نّ. عٍ شَ تٌقَنيِ كَنَمَ نّ. عَلِفِيَمَ قِندِ مَ نّ عٍ شْنيِ رَ. 
كْنْ عَلَ ﭑ نِي شُنسَرَ مَ نّ عَلِفِيَمَ، عَ ﭑ شَنِن. حّنفِ رَتٍ. 
مِشِ نَ قِندِ بَننَ رَ، عَ هَرِفٍ نَ فبٌ، عِ نَشَ فَاشُ، 
بَرِ مَ عَ مُ سٍسٍ شَنِنمَ عَلِفِيَمَ. عَ هَرِفٍ مُ بِرَ مَ عَ قْشْ رَ. 
عَ حّلّشِنمَ نّ عَ هَرِفٍ رَ عَ شَ دُنِحّءِفِرِ كُي، بَرِ مَ بِرِن عَ مَتْشْمَ نَ شَ قٍ رَ، 
كْنْ عَ قَ سِفَ عَلِفِيَمَ عَ عَ بٍنبَيٍ لِ نَ، نَشٍيٍ مُ دُنِحَ تٌمَ سْنْن. 
شَ بَننَ مِشِ شَشِلِ مُ نَ، عَ لُشِ نّ عَلْ سُبٍ نَشٍيٍ قَشَمَ.