يَبُرَ.
56.
دَوُدَ شَ سُوكِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ، «فَنبّ نَ وُرِ مَكُيٍ قَرِ.» عَ عَ بَ قِلِسِتَكَيٍ عَ سُشُ تّمُي نَشّ فَتِ. 
عَلَ، هِننّ ﭑ نَ بَرِ مَ مِشِيٍ نَ ﭑ فٍرٍقٍ. عٍ فٍرٍ تِمَ ﭑ بّ تّمُي بِرِن. 
ﭑ يَشُييٍ قّيحّنمَ فٍرٍ رَ. عَلَ شُنفبٍ، ﭑ فٍرٍقَيٍ بَرَ وُيَ. 
ﭑ نَ فَاشُ تّمُي نَشّ، ﭑ نَن ﭑ شَشِلِ تِمَ عِ تَن نَن نَ. 
ﭑ عَلَ شَ مَسٍنيِ مَتْشْمَ. ﭑ مُ فَاشُمَ سْنْن، بَرِ مَ ﭑ بَرَ لَ عَلَ رَ. عِبُنَدَ مَ فبَنسَن نْمَ مُنسٍ رَبَدٍ ﭑ نَ؟ 
تّمُي بِرِن ﭑ يَشُييٍ وَ مَ ﭑ تْورْقٍ عٍ شَ وْيّنيِ رَ. ﭑ مَ قٍقٍ مُ رَقَنشِ عٍ مَ. 
عٍ لَنشِ ﭑ مَ حَشَنكَتّ مَ، عٍ بِرَ ﭑ قْشْ رَ يِرٍ بِرِن عَلَكٌ عٍ شَ ﭑ قَشَ. 
عِ نَشَ تِن عٍ شَ رَتَنفَ عٍ شَ قٍ حَاشِيٍ مَ. عَلَ، عِ شَ شْنّ شَ عٍ رَبِرَ. 
عِ ﭑ مَ دُنِحّءِفِرِ كٌلٌن، عِ ﭑ يَيٍ تٌشِ. ﭑ مَ تْورّ بِرِن سّبّشِ عِ يِ رَ. 
ﭑ نَ عِ شِلِ تّمُي نَشّ، ﭑ يَشُييٍ فبِلٍنمَ نّ ﭑ قْشْ رَ. ﭑ عَ كٌلٌن ﭑ نُن عَلَ نَ عَ رَ. 
ﭑ عَلَ شَ وْيّنيِ مَتْشْمَ، ﭑ عَلَتَلَ شَ مَسٍنيِ مَتْشْمَ. 
ﭑ مُ فَاشُمَ سْنْن، بَرِ مَ ﭑ بَرَ لَ عَلَ رَ. عِبُنَدَ مَ فبَنسَن نْمَ مُنسٍ رَبَدٍ ﭑ نَ؟ 
عَلَ، ﭑ شَ ﭑ مَ لَايِدِ رَكَمَلِ عِ بّ، ﭑ مَ تَنتُي سّرّشّيٍ رَ، 
بَرِ مَ عِ بَرَ ﭑ نَتَنفَ قَشّ مَ. عِ مُ تِن ﭑ شَ بِرَ، عَلَكٌ ﭑ شَ حّرّ عِ شَ كِرَ شْن مَ يِ بّندّ قُحِ قَرِ.