يَبُرَ.
58.
دَوُدَ شَ سُوكِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «عِ نَشَ كَسَرّ تِ». 
وٌ شَ وْيّنيِ مُ تِنشِن. عَدَ مَدِيٍ، وٌ نْمَ كِيتِ سَدٍ نْندِ رَ؟ 
عَدٍ، وٌ قٍ حَاشِ رَبَمَ وٌ بْحّ كُي، وٌ قٍ حَاشِ رَبَمَ يِ بْشِ مَ، وٌ مِشِ رَتَنتَنمَ دُنِحَ مَ. 
كَقِ عٍ بَرِ تّمُي، عٍ قِندِشِ مِشِ حَاشِ نَن نَ. وُلٍ قَلّيٍ بَرَ لْي كَبِ عٍ بَرِ لْشْي. 
عٍ شَ شْنّ لُشِ نّ عَلْ بْشِمَسٍ شْنّ، عَلْ بْشِمَسٍ نَشَن مُ بْشِمَسٍ سُشُي شُي رَ مّمَ. 
هَلِ بْشِمَسٍ سُشُي قَنيِ، عَ مُ نْمَ عَ سُشُدٍ. 
عَلَ، عِ شَ عٍ حِنيِ كَنَ عٍ دّ عِ، بَرِ مَ عٍ لُشِ نّ عَلْ يّتّ. عَلَتَلَ، عِ شَ عٍ دّ وَنوَن. 
عٍ حْنمَ نّ عَلْ يٍ نَشَن عِقِلِمَ بْشِ. عٍ شَ تَنبّ مُ حّرّ مَ سّنبّ رَ. 
عَ لُمَ عَلْ بٌي نَشَن قَتٍ لْيمَ لِنفِ كُي. عَ لُمَ عَلْ دِ نَشَن بَشِ عَ نفَ قَتٍ عِ، عَ مُ قٌيٍ تٌ. 
بٍينُن تُندٍ شَ قُرَ يٍفٍ مَلِنسِنشِ رَ، شَ نَ مُ عَ رَ يٍفٍ شَرٍ رَ، عَلَ عٍ كْمَ نّ، عَ عٍ وْلّ عَ عِ. 
مِشِ تِنشِنشِ قَمَ حّلّشِندٍ بَرِ مَ عَ قَمَ فبٍحْشْي سْتْدٍ. عَ قَمَ عَ سَنيِ مَشَدٍ مِشِ حَاشِ وُلِ رَ. 
عَدَ مَدِيٍ قَمَ عَ قَلَدٍ، «عِيٌ، عَلَ مِشِ تِنشِنشِ سَرٍ قِمَ. عِيٌ، عَلَ كِيتِ سَمَ نّ دُنِحَ مَ.»