يَبُرَ.
64.
دَوُدَ شَ بّيتِ بّيتِبَيٍ شَ مَنفّ بّ 
عَلَ، عِ تُلِ مَتِ ﭑ وَ شُي رَ، ﭑ نَتَنفَ ﭑ يَشُييٍ مَ. 
ﭑ نْشُن مِشِ حَاشِيٍ مَ نَشٍيٍ وَ مَ ﭑ تْورْقٍ تِنشِنتَرٍيَ كُي. 
عٍ دّ شَاحّ عَلْ سَنتِدّفّمَ، عٍ شَ وْيّن حَاشِيٍ لُمَ عَلْ تَنبّيٍ. 
عٍ مُ فَاشُمَ تِنشِنتْي يَ رَ، عٍ لُمَ عَ حَشَنكَتَ رَ تُن. 
عٍ دّ كٌبِ، عٍ يّلّ عِتَلَمَ مِشِ يَ رَ. عٍ نَشّ، «ندٍ نَ كٌلٌنمَ؟» 
عٍ يَنقَنتٍيَ يَءِلَنمَ، عٍ عَ قَلَ، «وٌن شَ كٍلِ عَ يَنقَ شِلِ مَ. عَ سْونّيَمَ نّ.» عَدَ مَ شَ مَحْشُنيِ تِلِن. 
كْنْ عَلَ نَ تَنبّيٍ وٌلِ، عٍ عٍ لِمَ نّ كٍرٍن نَ. 
عٍ بَرَ وُلٍ قَلَ. نَشٍيٍ عٍ تٌمَ، عٍ عٍ فِمَ نّ. 
نَ فَاشُي عَدَ مَ بِرِن سُشُمَ نّ. عٍ عَلَ شَ وَلِ مَسٍنمَ، عٍ عَ شَ وَلِ كٌلٌنمَ نّ. 
تِنشِنتْي سّيوَ مَ نّ عَلَتَلَ رَ، عَ قَ لُ عَ نِينِ بُن مَ. سٌندٌن قَنيِ كَنيِ حّلّشِنمَ نّ.