يَبُرَ.
65.
دَوُدَ شَ بّيتِ بّيتِبَيٍ شَ مَنفّ بّ 
مَتْشْي نَ عِ تَن عَلَ بّ سِيٌنِ فٍيَ قَرِ. مُشُ لَايِدِ نَشَن تٌنفٌشِ عِ بّ، مُشُ نَ بِرِن نَكَمَلِمَ نّ. 
عَلَ، عِ مُشُ شَ مَشَندِ بِرِن مّمَ نّ. دُنِحَ بِرِن قَمَ نّ بِرَدٍ عِ قْشْ رَ. 
تَنتَنيِ تٌ نْ مُشُ رَ، عِ بَرَ مُشُ شَ يُنُبِ شَقَرِ. 
عِ نَشَن سُفَندِ مَ عَ شَ مَكْرّ عِ شَ سَلِدٍ رَ، نَ حّلّشِنمَ نّ بَرِ مَ عَ بُمَ نّ عِ شْنيِ. مُشُ بَرَ وَ سَ عِ شَ قٍ قَنيِ رَ، قٍ سّنِيّنشِ نَشَن كٍلِشِ عِ شَ هْرْ مْلِنفِرَ. 
عِ مُشُ شَ مَشَندِ يَابِمَ كَابَنَكٌ نُن تِنشِنيِ رَ. عَلَ، عِ بَرَ قِندِ مُشُ رَكِسِمَ رَ. دُنِحَ يِرٍ بِرِن شَشِلِ تِشِ عِ رَ. 
عِ بَرَ فٍيَ دَا عِ سّنبّ رَ بَرِ مَ سّنبّمَ نَن عِ رَ. 
عِ بَرَ بَا شُي رَدُندُ، مْرْنيِ شُي مُ نَ. عِ بَرَ حَمَ قَن مَسَبَرِ. 
دُنِحَ بِرِن فَاشُمَ نّ عِ شَ كَابَنَكٌي يَ رَ. كٍلِقٍ سٌفٍتٍدٍ هَن سٌفٍفٌرٌدٍ، عٍ بِرِن عٍ حّلّشِن شُي رَ مِنِمَ نّ عِ شَ قٍ رَ. 
عِ بْشِ مّينِ، عَ عَ رَقٍ قٍ قَنيِ رَ. عِ شُرٍ رَقٍمَ يٍ رَ عَلَكٌ مِشِيٍ شَ بَلٌي سْتْ. 
عِ تُنّ يٍ سَمَ بْشِ مَ عَلَكٌ بْشِ شَ بْرْشْ سَنسِ بّ. عِ بَرَكّ سَمَ شّ مَ، عَ شَ قَن. 
شّ شَبَ تّمُي عِ قٍ قَنيِ رَ مِنِمَ نّ. عِ شَ سَنسِ سَسٍ رَقٍمَ نّ، هَن عَ قِلِ عَ مَ. 
فبٍنفبٍرٍنيِ قِيلِيٍ نُن فٍيَيٍ قَنمَ نّ. 
شُرُ سٍيٍ يِرِوَ مَ نّ قِيلِ مَ. سَنسِ يِرِوَ مَ نّ فٍيَ بُنيِيٍ. نَ بِرِن، عَلَ شَ قٍ قَنيِ نَن مَسٍنمَ وٌن بّ سّيوّ كُي.