يَبُرَ.
74.
عَسَقِ شَ لْننِ بّيتِ عَلَ، مُنقٍ رَ عِ مُشُ رَبّحِنشِ كٍرٍنيِ رَ؟ مُنقٍ رَ عِ شَ شْنّ تُرُ مَ عِ شَ حَمَ شِلِ مَ عِ نَشَن نَبَلٌقٍ؟ 
عِ شَ رَتُ عِ شَ حَمَ مَ عِ نَشَن شُن سَرَشِ، عِ كّ قِمَ نَشَن مَ، عِ سَبَتِشِ نَشَن يَ مَ سِيٌن فٍيَ مَ. 
عِ شَ عَ يِرٍ مَتٌ عَ يَشُييٍ نَشَن كَنَشِ، عِ شَ عِ شَ هْرْ مْبَنشِ تٌ عٍ نَشَن كَسَرَشِ. 
عِ يَشُييٍ بَرَ عٍ شُي عِتٍ عِ شَ نَرَلَن بَنشِ كُي، عٍ بَرَ عٍ شَ قّلّكِيٍ رَتٍ نَا. 
عٍ نُ لُشِ عَلْ بٍيرَ كَنيِ نَشٍيٍ قْتْنيِ سّفّمَ. 
عٍ بَرَ هْرْ مْلِنفِرَ شُنمَسٍيٍ كَنَ بٍيرَ نُن دّرّ مَيٍ رَ، 
عٍ نَا فَن تّ رَ. عٍ بَرَ نَ يِرٍ مَبٍرٍ عِ شِلِ سَبَتِشِ دّننَشّ. 
عٍ نُ عَ قَلَمَ نّ عٍ بْحّ مَ، «وٌن شَ عٍ سْنتْ!» عٍ بَرَ عَلَ شَ بَتُدٍيٍ بِرِن فَن. 
عِ شَ كَابَنَكٌي مُ تٌمَ، نَمِحْنمّيٍ قَن مُ نَ مُشُ يَ مَ كْرّ. مُشُ مُ عَ كٌلٌن يِ قٍ بُمَ هَن تّمُي مُندُن. 
عٍٍ عَلَ، يَشُي مَيٍلٍ تِمَ هَن تّمُي مُندُن؟ دَنيِ مُ نَ عٍ شَ كٌنبِيٍ مَ؟ 
مُنقٍ رَ عِ مُ عِ سّنبّ مَفَاشُشِ مَسٍن عٍ بّ؟ عِ شَ كٍلِ، عِ شَ عٍ سْنتْ! 
كَبِ تّمُي شْنكُيٍ، عَلَ نَن نَ ﭑ مَ مَنفّ رَ، عَ تَن نَشَن قِندِشِ شُننَكٍلِ سَابُي رَ دُنِحَ مَ. 
عِ تَن نَن بَا عِبْو عِ سّنبّ رَ، عِ دَالِسٍ مَفَاشُشِيٍ شُنيِيٍ عِبُتُشُن نَا. 
عِ تَن نَن عٍ شُنيِيٍ عِبُتُشُن، عِ عٍ قِ دٌنسٍ رَ وُلَءِ سُبٍيٍ مَ. 
عِ تَن نَن دُلٌنيِيٍ نُن شُرٍيٍ رَبْو، عِ تَن نَن دَبٌنيِيٍ رَشْرِ، نَشٍيٍ مُ دَرِشِ شْرِ رَ. 
يَنيِ نُن كْي قِندِشِ عِ فبٍ نَن نَ، كِكٍ نُن سٌفٍ، عِ تَن نَن عٍ دَاشِ. 
عِ تَن نَن بْشِيٍ نَانِنيِيٍ بِرِن سَشِ. عِ تَن نَن سٌفٌقُرٍ نُن حّمّ دَا. 
عِ شَ رَتُ عَ مَ عَ مُشُ يَشُييٍ نَ عِ تَن عَلَتَلَ نَن مَبٍرٍقٍ، حَمَ شَشِلِتَرٍ نَ عِ شِلِ بّشُقٍ! 
يَندِ، عِ نَشَ عِ شَ حَمَ شَنُشِ رَبٌلٌ عَلْ فَنبّ دِ رَبٌلٌمَ سّفّ يِ رَ كِ نَشّ. عِ نَشَ نّيمُ عِ شَ مِسِكِينّيٍ مَ. 
عِ شَ عِ حْشْ سَ عِ شَ سَاتّ مَ، بَرِ مَ قٍ كٌبِيٍ بَرَ فبٌ يِ بْشِ مَ هَن عَ بَرَ دَنفِ عَ عِ. 
عِ نَشَ تْورْ مِشِيٍ لُ عٍ شَ يَافِ كُي. مِسِكِينّيٍ نُن سٍتَرٍيٍ شَ عِ شِلِ مَتْشْ. 
عَلَ، عِ شَ كٍلِ عِ شِلِ شُنمَقَلَقٍ رَ. عِ شَ رَتُ شَشِلِتَرٍ شَ مَبٍرٍ مَ. 
عِ نَشَ نّيمُ عِ يَشُييٍ شَ وْيّنيِيٍ مَ، عِ نَشَ نّيمُ عِ فٍرٍقَيٍ شَ سْنشْي مَ نَشَن مُ حْنمَ.