يَبُرَ.
77.
عَسَقِ شَ بّيتِ بّيتِبَيٍ شَ مَنفّ يٍدُتُن بّ 
ﭑ نَن ﭑ شُي رَتٍقٍ عَلَ نَن مَ. عَ عَ تُلِ مَتِمَ نّ ﭑ شُي رَ. 
لْشْ شْرْشْييٍ نَ قَ ﭑ مَ، ﭑ نَن ﭑ مَرِفِ شِلِمَ نّ. كْي رَ، ﭑ نَن ﭑ بّلّشّ عِتَلَ عَ بّ، كْنْ ﭑ مُ مَدُندُي سْتْمَ. 
ﭑ نَن ﭑ نَتُ عَلَ مَ، ﭑ وَ ﭑ بْحّ مَ. ﭑ نَن ﭑ مَحْشُن عَ مَ، لِمَنِيَ بَ ﭑ يِ. 
عِ مُ تِنمَ ﭑ شَ شِ. ﭑ شَشِلِ عِقُشِ، حَن ﭑ مُ نْمَ وْيّندٍ. 
ﭑ نَن ﭑ مَحْشُنمَ وَشَتِ دَنفِشِيٍ مَ. 
ﭑ نَن ﭑ نَتُمَ نٍيٍ مَ ﭑ مَ بّيتِيٍ سَابُي رَ. ﭑ نَن ﭑ يّتّ مَشْرِن، 
«ﭑ مَرِفِ مّيمَ نّ عِبُنَدَ مَ رَ عَبَدَن؟ عَ مُ هِننّمَ مِشِيٍ رَ سْنْن؟ 
دَنيِ نَ عَ شَ قَنيِ مَ؟ عَ تٌندِ مَ عَ شَ لَايِدِيٍ كَمَلِدٍ؟ 
عَ بَرَ نّيمُ عَ شَ هِننّ مَ؟ عَ شَ شْنّ بَرَ نْ عَ شَ كِنِكِنِ رَ؟ 
ﭑ مَ تْورّ كُي عَ لُمَ ﭑ بّ عَلْ عَلَ شِلِ شُنفبٍ كَنيِ نَ مَسَرَقٍ.» 
عَ لَنمَ ﭑ شَ رَتُ عَلَتَلَ شَ وَلِيٍ مَ، عَ شَ كَابَنَكٌي عَ نَشٍيٍ رَبَشِ تّمُي دَنفِشِ. 
ﭑ نَن ﭑ شَشِلِ رَ سِفَمَ نّ عِ شَ كّوَلِ بِرِن مَ، ﭑ نَن ﭑ مَحْشُنمَ نّ عِ شَ وَلِيٍ مَ. 
عَلَ، عِ شَ كِرَ سّنِيّن. عَلَ فبّتّ مُ نَ، عِ مَنِيّ مُ نَ! 
عِ تَن عَلَ نَن كَابَنَكٌي رَبَمَ، عِ قٍ مَفَاشُشِيٍ مَسٍن حَمَنّيٍ تَفِ. 
عِ عِ شَ حَمَ شُن سَرَشِ عِ سّنبّ نَن نَ، يَشُبَ نُن يُسُقُ شَ مَمَدِيٍ. 
عَلَ، بَا شُنفبٍ تٌ عِ تٌ، عَ دُلٌنيِ نَشَ سّرّن. 
نُشُييٍ نَشَ يٍ فبٍفبٍ رَفٌرٌ، فَلَنيِ نَشَ بُلَ كٌورٍ مَ، سٍيَمَكْنيِيٍ نَشَ لُ عَلْ تَنبّ وٌلِشِيٍ. 
عِ شَ سَرِنيِ شُي نَشَ بُلَ، سٍيَمَكْنيِ نَشَ دُنِحَ عِيَلَن، بْشِ نَشَ عَ عِمَشَ، عَ سّرّن. 
عِ نَشَ كِرَ رَبْو بَا مَ، عِ دَنفِ يٍ شُنفبٍ تَفِ، كْنْ عِ قْشِ مُ تٌ. 
عِ نَشَ عِ شَ حَمَ رَحّرّ عَلْ شُرُ سٍ فْورّ عَننَبِ مُنسَ نُن هَرُنَ سَابُي رَ.