يَبُرَ.
79.
عَسَقِ شَ بّيتِ عَلَ، سِيٍ بَرَ سٌ عِ شَ بْشِ كُي، عٍ عِ شَ هْرْ مْلِنفِرَ قِندِ يِرٍ سّنِيّنتَرٍ رَ، عٍ دَرِ سَلَمُ كَنَ. 
عٍ بَرَ عِ شَ كٌنيِيٍ قُرٍيٍ قِندِ شْنِيٍ شَ بَلٌي رَ، عٍ بَرَ عِ شَنُنتٍنيِيٍ سٌ وُلَءِ سُبٍ يِ رَ. 
عٍ بَرَ عٍ سْنتْ دَرِ سَلَمُ رَبِلِنيِ، عٍ مُ رَفَتَ. 
سِ نَشٍيٍ نَ مُشُ رَبِلِنيِ عٍ مُشُ كٌنبِمَ، عٍ يٌمَ مُشُ مَ. 
عَلَتَلَ، عِ شْنْمَ نّ مُشُ مَ عَبَدَن؟ عِ شَ تْونّ دَنمَ مُن تّمُي؟ 
عِ شَ شْنْ حَمَنّيٍ مَ نَشٍيٍ مُ عِ كٌلٌن، عِ شَ شْنْ مَنفّيَيٍ مَ نَشٍيٍ مُ عِ بَتُمَ، 
بَرِ مَ عٍ بَرَ عِسِرَيِلَ شُن نَكَنَ، عٍ بَرَ عَ شَ لِنفِرَ رَبِرَ. 
عِ نَشَ رَتُ مُشُ شَ يُنُبِ دَنفِشِيٍ مَ. عِ شَ هِننّ مُشُ رَ مَقُرٍن، بَرِ مَ سّنبّ يٌ مُ نَ مُشُ بّ سْنْن. 
كَقُ مُشُ مَ، مُشُ رَكِسِمَ عَلَ، عِ شِلِ شَ نْرّ شَ قٍ رَ. عِ شَ مُشُ رَكِسِ، عِ شَ مُشُ شَ يُنُبِيٍ شَقَرِ عِ شِلِ شَ قٍ رَ. 
مُنقٍ رَ حَمَنّيٍ عَ قَلَمَ، «عٍ مَرِفِ عَلَ نَ مِندٍن؟» عٍ شَ عَ كٌلٌن عِ قَمَ عِ شَ كٌنيِيٍ وُلِ فبٍحْشْدٍ مُشُ يَ شْرِ. 
عِ شَ عِ تُلِ مَتِ فٍيلِمَنِيٍ وَ شُي رَ، عِ سّنبّ شَ نٍيٍ رَكِسِ نَشٍيٍ شَ كِيتِسَيٍ وَ مَ عٍ قَشَقٍ. 
ﭑ مَرِفِ، عِ شَ سَرٍ دْشْ سٌلٌقٍرٍ رَفبِلٍن نَ سِيٍ مَ، نَشٍيٍ بَرَ عِ بّشُ. 
نَ كُي، مُشُ تَن عِ شَ حَمَ قَن قَمَ نّ عِ بَتُدٍ، مُشُ تَن عِ شَ شُرُ سٍيٍ قَمَ نّ عِ شَ مَتْشْي مَسٍندٍ مُشُ بْنسْي بّ عَبَدَن.