يَبُرَ.
83.
عَسَقِ شَ بّيتِ 
عٍٍ عَلَ، عِ نَشَ عِ سَبَرِ! عَلَ، عِ نَشَ لُ دُندُي كُي، 
بَرِ مَ عِ يَشُييٍ مُ عٍ رَشَرَشِ، عِ شْنمَيٍ بَرَ عٍ شُنيِيٍ عِكٍلِ. 
عٍ نَ يَنقّ شْرْشْي مَشِرِقٍ عِ شَ حَمَ شِلِ مَ، عٍ نَ عٍ بٌورٍ بْحّ رَتٍقٍ عِ شَنُنتٍنيِيٍ شِلِ مَ. 
عٍ نَشّ، «وٌن شَ عٍ شِلِ حْن سِيٍ يَ مَ، عَلَكٌ بِرِن شَ نّيمُ عِسِرَيِلَ شِلِ مَ.» 
عٍ بَرَ لَن عٍ بٌورٍ مَ عِ شِلِ مَ. 
عٍدٌنكَيٍ، سُمَيِلَ بْنسْي، مٌوَبَكَيٍ، هَفَرِكَيٍ، 
فٍبَلَكَيٍ، عَمٌنِكَيٍ، عَمَلّكِكَيٍ، قِلِسِتَكَيٍ، تِرٍكَيٍ، 
نُن عَسِرِيَكَيٍ بِرِن بَرَ كَقُ لٌتِ بْنسْي مَ. 
عِ شَ عٍ بْنبْ عَلْ عِ عَ رَبَ مَدِيَنكَيٍ رَ كِ نَشّ. عِ شَ عٍ بْنبْ عَلْ عِ عَ رَبَ مَنفّ يَبِنِ نَ كِ نَشّ، عَ نُن عَ شَ سْورِ مَنفّ سِسٍرَ رَ كِ نَشّ كِسٌن شُرٍ يِرٍ. 
عٍ سْنتْ نّ عٍندٌرِ، عٍ قُرٍ نَشَ لُ بْشِ مَ، عٍ مُ رَفَتَ. 
عِ شَ قٍ شْرْشْي رَبَ عٍ شَ كُنتِفِيٍ رَ، عَلْ عِ رَبَ عٌرٍبِ نُن سٍيبِ رَ كِ نَشّ. عٍ شَ يَرٍرَتِيٍ شَ لُ عَلْ سّبَ نُن سَلَمُنَ، نَشٍيٍ عَ قَلَ، 
«وٌن شَ عَلَ شَ حَمَ شَ بْشِ قِندِ وٌن فبٍ رَ.» 
ﭑ مَرِفِ عَلَ، عِ شَ نَ مِشِيٍ لُ عَلْ سّشّ، قٌيٍ نَشَن شَنِنمَ. 
عِ شَ عٍ شُن نَكَنَ عَلْ تّ قْتْنيِ فَنمَ كِ نَشّ فٍيَيٍ قَرِ. 
عِ شَ بِرَ عٍ قْشْ رَ شْنّ كُي عَلْ تُرُننَادّ مَفَاشُشِ. 
مَرِفِ، عِ شَ عٍ رَيَافِ عَلَكٌ عٍ شَ فبِلٍن عِ مَ. 
يَافِ نُن فَاشُي شَ لُ عٍ بْحّ مَ، عِ شَ عٍ بْنسْي رَحْن عَبَدَن. 
عٍ شَ عَ كٌلٌن عَ عِ تَن نَن شِلِ عَلَتَلَ، عَ عَلَ شِلِ شُنفبٍ كَنيِ نَ عِ تَن نَن نَ دُنِحَ شُن نَ.