يَبُرَ.
84.
كٌرَ شَ دِيٍ شَ بّيتِ بّيتِبَيٍ شَ مَنفّ بّ. عَ شَ بَ مَشَسٍ لُوتِ دَاشِ شُي رَ. 
مَنفّ عَلَتَلَ، عِ شَ لِنفِرَ تٌقَن! 
ﭑ وَ مَ سٌقٍ عِ شَ تّتّ كُي ﭑ بْحّ بِرِن نَ. نَ وَشْنيِ مِنِمَ ﭑ دّ عِ عِ تَن عَلَ نَن بّ، عِ تَن نَشَن حِحّ عَ رَ. 
هَلِ شْنِ شُنشُرِيٍ عَلْ تُرُننَ نُن دٍبٍلِنيِ عٍ تّي سَمَ عِ شَ سّرّشّبَدٍ سّيتِ مَ عٍ شَ دِيٍ لُمَ دّننَشّ. عِ تَن عَلَتَلَ سّنبّمَ، ﭑ مَ مَنفّ نُن ﭑ مَرِفِ، 
سّيوّ نَ مِشِيٍ بّ، نَشٍيٍ سَبَتِشِ عِ شَ بَنشِ كُي. عٍ لُمَ عِ مَتْشْ رَ دّننَشّ عَبَدَن. حّنفِ رَتٍ. 
سّيوّ نَ مِشِيٍ بّ نَشٍيٍ سّنبّ لَنشِ عِ تَن عَلَ مَ، نَشٍيٍ كِرَ سُشُشِ سِفَقٍ رَ سَلِدٍ شُنفبٍ. 
عٍ بَكَ فُلُنبَ عِفِرِ مَ تّمُي نَشّ، عٍ يٍ دُلٌنيِيٍ تٌ نّ، تُنّ يٍ فبٍفبٍ بَرَ نَا رَقٍ. 
عٍ كٍلِ يِرٍ قَنيِ ندٍ، عٍ سِفَ يِرٍ قَنيِ فبّتّ. عٍ نَ بِرِن تٌ نّ كِرَ شْن سِفَقٍ رَ عَلَ يِرٍ عٍ عٍ يّتّ مَسٍن عَ بّ دّننَشّ. 
ﭑ مَرِفِ عَلَتَلَ سّنبّمَ، ﭑ مَ دُبّ سُشُ! يَشُبَ مَرِفِ عَلَ، عِ ﭑ مَ مَشَندِ رَ مّ. حّنفِ رَتٍ. 
عَلَ، هِننّ عِ شَ مِشِ سُفَندِشِ رَ نَشَن قِندِشِ مُشُ شَ وُرٍ لٍقَ رَ. 
شِ كٍرٍن نَدَنفِقٍ عِ شَ بَنشِ كُي، نَ حْشُن دَنفِقٍ شِ وُلُ وُلُ رَ يِرٍ فبّتّ. ﭑ لُقٍ عِ شَ بَنشِ دّ رَ، نَ قَن لُقٍ رَ تِنشِنتَرٍيٍ شْنيِ، 
بَرِ مَ عَلَ شُنفبٍ قِندِشِ وٌن مَ كَنتَرِ نَن نَ، عَ هِننّ نُن بِنيّ قِمَ نّ وٌن مَ. عَ مُ تٌندِ مَ تِنشِنتَرٍيٍ كِدٍ هّيرِ رَ. 
مَرِفِ سّنبّمَ، هّيرِ نَ مِشِ بّ نَشَن عَ يّتّ تَشُمَ عِ رَ.