يَبُرَ.
85.
كٌرَ شَ دِيٍ شَ بّيتِ بّيتِبَيٍ شَ مَنفّ بّ 
مَرِفِ، عِ شَنُنتٍيَ مَسٍنمَ عِ شَ حَمَ بّ، عِ يَشُبَ بْنسْي شُن نَكٍلِمَ. 
عِ دِحّمَ عِ شَ حَمَ شَ قٍ حَاشِيٍ مَ، عِ عَ شَ يُنُبِيٍ بِرِن شَقَرِ مَ. حّنفِ رَتٍ. 
عِ عِ شَ شْنّ رَفبِلٍنمَ عَ قْشْ رَ، عِ دِحّمَ عَ مَ. 
عَلَ، عِ مَن شَ مُشُ رَكِسِ، عِ مَن شَ هِننّ مُشُ رَ. 
عِ شْنْمَ نّ مُشُ مَ عَبَدَن؟ نَ شْنّ مُ بَمَ مُشُ شَ يِ وَشَتِ كُي؟ 
عِ مُ نْمَ دِحّدٍ مُ مَ، عِ شَ حَمَ شَ كِسِ، عٍ شَ سّيوَ؟ 
عَلَتَلَ، عِ شَ دُفُتّفّحَ مَسٍن مُشُ بّ، عِ شَ مُشُ رَكِسِ. 
ﭑ نَن ﭑ تُلِ مَتِمَ نّ ﭑ مَرِفِ عَلَ شَ مَسٍنيِ رَ، بَرِ مَ عَ بْحّسَ نَن قِمَ عَ شَ حَمَ تِنشِنشِ مَ. عَلَ شَ عٍ مَلِ فبِلٍنقٍ رَ عٍ شَ دَشُحَ مَ. 
عَ كِسِ يَتِ يَتِ نَن قِمَ مِشِيٍ مَ نَشٍيٍ فَاشُمَ عَ يَ رَ، عَلَكٌ عَ شَ نْرّ شَ سَبَتِ وٌن مَ بْشِ كُي. 
دُفُتّفّحَ نُن نْندِ نَ يِرٍ كٍرٍن. تِنشِنيِ نُن بْحّسَ حّرّ مَ كِرَ كٍرٍن شْن. 
نْندِ كٍلِمَ لَنبَنيِ مَ، تِنشِنيِ كٍلِمَ كٌورٍ مَ. 
عَلَتَلَ هّرِ قِمَ نّ وٌن مَ، عَلَكٌ وٌن مَ بْشِ شَ دَشَمُي رَ مِنِ. 
تِنشِنيِ حّرّ مَ عَ يَ رَ، عَ قِندِ سَنيِ قْشِ رَ كِرَ شْن مَ.