يَبُرَ.
86.
دَوُدَ شَ عَلَ مَشَندِ مَرِفِ، عِ عِ تُلِ مَتِ ﭑ نَ، عِ شَ ﭑ يَابِ. مِسِكِينّ قُشَرِشِ نَ ﭑ نَ. 
عِ شَ ﭑ مَكَنتَ، عِ دُفُتّفّ نَ ﭑ نَ. ﭑ مَرِفِ عَلَ، عِ شَ عِ شَ كٌنيِ دِ رَكِسِ نَشَن عَ تَشُشِ عِ رَ. 
كِنِكِنِ ﭑ مَ، ﭑ مَرِفِ، بَرِ مَ ﭑ عِ شِلِمَ لْشْي بِرِن. 
عِ شَ سّيوّ قِ عِ شَ كٌنيِ دِ مَ، ﭑ شَشِلِ تِشِ عِ تَن نَن نَ، ﭑ مَرِفِ. 
عِ تَن مَرِفِ، عِ قَن، عِ كِنِكِنِ، عِ شَ دُفُتّفّحَ فبٌ مِشِيٍ بّ نَشٍيٍ بِرِن عِ شِلِمَ. 
مَرِفِ، عِ شَ عِ تُلِ مَتِ ﭑ مَ مَشَندِ رَ، عِ شَ ﭑ مَ دُبّ سُشُ. 
ﭑ عِ شِلِمَ ﭑ مَ تْورّ كُي، بَرِ مَ عِ ﭑ نَتِنمَ. 
ﭑ مَرِفِ، عِ مَنِيّ مُ نَ عَلَيٍ تَفِ، عِ شَ كَابَنَكٌييٍ دَنفِ وَلِ بِرِن نَ. 
عِ سِ نَشٍيٍ دَا دُنِحَ مَ، نٍيٍ قَمَ نّ عٍ شِنبِ سِندٍ عِ بُن مَ، عٍ عِ شِلِ مَتْشْ، 
بَرِ مَ عِ فبٌ، عِ مَن كَابَنَكٌي رَبَمَ. عِ تَن كٍرٍن ثٍتِ نَ نَن عَلَ رَ. 
ﭑ مَرِفِ، عِ شَ عِ شَ كِرَ مَسٍن ﭑ بّ، ﭑ شَ ﭑ حّرّ عِ شَ نْندِ كُي. بْحّ قَنيِ قِ ﭑ مَ، عَلَكٌ ﭑ شَ فَاشُ عِ شِلِ يَ رَ. 
ﭑ عِ مَتْشْمَ ﭑ بْحّ قِيشّ بِرِن نَ، ﭑ مَرِفِ عَلَ. ﭑ عِ شِلِ مَتْشْمَ نّ عَبَدَن، 
بَرِ مَ عِ شَ هِننّ تِلِن. عِ بَرَ ﭑ نِي رَتَنفَ قَشّ مَ. 
عٍٍ عَلَ، يّتّ عِفبٌي ندٍيٍ بَرَ كٍلِ ﭑ شِلِ مَ، فبَلٌتْييٍ وَ مَ ﭑ قَشَقٍ. عٍ مُ عِ كٌلٌن قٍوٌ. 
كْنْ ﭑ مَرِفِ، عِ تَن نَن قِندِشِ عَلَ رَ، نَشَن كِنِكِنِمَ، نَشَن هِننّمَ عِبُنَدَ مَ رَ، نَشَن بْحّ مُ تٍمَ مَقُرٍن، نَشَن مُ تَفَنمَ دُفُتّفّحَ نُن شَنُنتٍيَ مَ. 
عِ شَ عِ يَ رَقِندِ ﭑ مَ، عِ شَ هِننّ ﭑ نَ. عِ شَ سّنبّ قِ عِ شَ كٌنيِ دِ مَ، عِ شَ عِ شَ كٌنيِ فِنّ شَ دِ رَكِسِ. 
تْنشُمَ ندٍ رَ مِنِ ﭑ بّ سٍيدٍ رَ، عَلَكٌ نَشٍيٍ ﭑ شْنشِ، عٍ شَ عَ تٌ، عٍ شَ يَافِ، عِ شَ مَلِ نُن عِ شَ مَدُندُي شَ قٍ رَ.