يَبُرَ.
91.
نَشَن لُمَ عَلَ شِلِ شُنفبٍ كَنيِ شَ كَنتَرِ بُن مَ، عَ عَ مَلَبُمَ نّ عَلَ شَ كَنتّ كُي. 
ﭑ نَ عَ مَسٍنمَ عَلَتَلَ بّ، «عِ تَن نَن نَ ﭑ مَ كَنتَرِ نُن ﭑ مَكَنتَدٍ رَ، عِ تَن ﭑ مَرِفِ عَلَ، ﭑ لَشِ نَشَن نَ.» 
عَ تَن نَن عِ رَتَنفَمَ فَنتَنيِيٍ مَ نَشٍيٍ تٍمَ عِ بّ، عَ عِ رَتَنفَ وُفَنيِ مَ. 
عَ عِ مَكَنتَمَ نّ عَلْ تْشْي عَ شَ دِيٍ مَكَنتَمَ كِ نَشّ عَ فَبُتٍنيِ بُن مَ. عَ شَ دُفُتّفّحَ لُمَ نّ عَلْ سْورِ شَ وُرٍ لٍقَ. 
عِ مُ فَاشُمَ فبَلٌي رَ كْي رَ، عِ مُ فَاشُمَ شَلِيٍ رَ يَنيِ رَ، 
عِ مُ فَاشُمَ وُفَنيِ رَ دِ مِ كُي، عِ مُ فَاشُمَ قُرٍ حَاشِ رَ سٌفٍ بُن مَ. 
مِشِ وُلُ نْمَ نّ بِرَدٍ عِ كْولَ مَ، مِشِ وُلُ قُ نْمَ بِرَدٍ عِ يِرٍقَنيِ مَ، كْنْ سٍسٍ مُ عِ تٌمَ. 
عِ نَ بِرِن تٌمَ نّ عِ يَ عِ، عِ قِندِ سٍيدٍ رَ تِنشِنتَرٍ شَ حَشَنكَتّ مَ، 
بَرِ مَ عِ بَرَ لَ عِ مَرِفِ رَ، عَ بَرَ قِندِ عِ شَ كَنتَرِ رَ. عَلَ شِلِ شُنفبٍ كَنيِ قِندِشِ عِ شَ مَكَنتَدٍ نَن نَ. 
سٍسٍ مُ عِ لِمَ، وُفَنيِ يٌ مُ سٌمَ عِ شْنيِ، 
بَرِ مَ عَ عَ شَ مَلٍكّيٍ يَمَرِ مَ عٍ شَ عِ مَكَنتَ يِرٍ بِرِن. 
عٍ عِ تٌنفٌمَ نّ عٍ بّلّشّيٍ كُي، عَلَكٌ عِ نَشَ عِ سَنيِ رَدِن فّمّ رَ. 
عِ نْمَ يّتّيٍ نُن بْشِمَسٍيٍ رَ، عِ سّنبّ دَنفِ بَرَتّيٍ نُن بِيدَيٍ رَ. 
عَلَتَلَ شَ مَسٍنيِ نَن يَ؛ «عَ تٌ لَشِ ﭑ نَ، ﭑ عَ رَكِسِمَ نّ. ﭑ عَ مَكَنتَمَ نّ بَرِ مَ عَ ﭑ شِلِ كٌلٌن. 
عَ نَ ﭑ شِلِ، ﭑ عَ يَابِمَ نّ. تْورّ نَ عَ لِ، ﭑ لُمَ نّ عَ سّيتِ مَ. ﭑ عَ رَكِسِمَ نّ، ﭑ عَ شُن نَكٍلِ. 
ﭑ سِمَيَ شْنكُيٍ قِمَ نّ عَ مَ، ﭑ نَ ﭑ مَ كِسِ مَسٍن عَ بّ.»