يَبُرَ.
92.
بّيتِ نَشَن بَمَ مَلَبُي لْشْي 
مَرِفِ بَتُقٍ قٍ قَنيِ نَ عَ رَ. عَلَ شِلِ شُنفبٍ كَنيِ، عَ لَنمَ عِ شِلِ شَ مَتْشْ بّيتِ رَ. 
كُيٍ عِبَ، عَ لَنمَ عِ شَ شَنُنتٍيَ شَ مَتْشْ، كْي كُي، مُشُ شَ عِ تَنتُ عِ شَ دُفُتّفّحَ شَ قٍ رَ. 
مَتْشْي شَ بَ كْرَ لُوتِ قُ دَاشِ شُي رَ نُن عَدَ مَدِ شُي رَ. 
مَرِفِ، ﭑ حّلّشِنمَ عِ شَ كَابَنَكٌي رَ، ﭑ نَن ﭑ سّيوّ شُي عِتٍمَ عِ شَ وَلِ شَ قٍ رَ. 
مَرِفِ، عِ نَشَن نَبَمَ، عَ مَكَابَ، عِ شَشِلِ تِلِن. 
شَشِلِتَرٍ مُ سٍسٍ كٌلٌنمَ نَ كُي، عَ مُ قَهَامُي سْتْمَ عِ شَ قٍ مَ. 
عَلَ كٌلٌنتَرٍيٍ لُمَ عَلْ سَنسِ نَشَن بُلَمَ قِيلِ مَ، عَ قُفَ، كْنْ نَ دَنفِ شَنبِ، عَ حْن عَبَدَن. 
كْنْ عِ تَن مَرِفِ، مَتْشْي نَ عِ بّ تّمُي بِرِن. 
ﭑ مَرِفِ، عِ يَشُييٍ هَلَكِمَ نّ، عِ قٍ كٌبِ رَبَيٍ بِرِن نَيٍنسٍن يّ. 
عِ سّنبّ قِمَ نّ ﭑ مَ عَلْ سّشّ نِنفٍ، عِ تُرٍ قَنيِ سَ ﭑ مَ. 
ﭑ يَيٍ عَ تٌمَ ﭑ فٍرٍقَيٍ شُن فٌرٌ مَ كِ نَشّ، ﭑ تُلِ عٍ فِ شُي مّ. 
تِنشِنتْييٍ شَ قٍ قَنمَ نّ عَلْ تُفِ بِلِ، عٍ شَ قٍ تٍ عَلْ سّدِرِ وُرِ بِلِ نَشٍيٍ نَ لِبَن. 
عٍ سَبَتِشِ عَلَتَلَ شَ هْرْ مْبَنشِ تّتّ كُي، عٍ شَ قٍ قَنمَ نّ وٌن مَرِفِ عَلَ يَ عِ. 
هَلِ عٍ قٌرِشِ عٍ شُنسّشّ قِيشّشِ، سّنبّ نَ عٍ بّ قٍ قَنيِ رَبَقٍ رَ، 
عَلَكٌ عٍ شَ عَ مَسٍن، «عَلَتَلَ تِنشِن، ﭑ تِشِ عَ شَ سّرِيّ نَن قَرِ، تِنشِنتَرٍيَ يٌ مُ نَ عَ مَ.»