يَبُرَ.
96.
وٌ بّيتِ نّينّ ندٍ بَ عَلَتَلَ بّ! دُنِحَ بِرِن شَ بّيتِ بَ عَلَتَلَ بّ! 
وٌ بّيتِ بَ مَرِفِ بّ، وٌ عَ شِلِ مَتْشْ. وٌ شَ عَ شَ كِسِ مَسٍن مِشِيٍ بّ تّمُي بِرِن. 
وٌ شَ عَ شَ نْرّ قَلَ سِ بِرِن بّ، وٌ عَ شَ كَابَنَكٌي مَسٍن حَمَ بِرِن تَفِ. 
مَرِفِ عَلَ فبٌ، عَ لَنمَ وٌن شَ عَ مَتْشْ، نَشَن دَنفِ سّنبّمَيٍ بِرِن نَ. 
سِيٍ بِرَ مَ عَلَ نَشٍيٍ قْشْ رَ، عٍ قِندِشِ كُيٍيٍ قُقَقُ فبَنسَن نَن نَ، كْنْ عَلَتَلَ نَن كٌورٍ دَا. 
نْرّ نُن نَءِيَلَنيِ كٍلِمَ عَ تَن نَن مَ، سّنبّ نُن نَءِيَلَنيِ لُمَ نّ عَ شَ هْرْ مْبَنشِ كُي. 
بْنسْي بِرِن، وٌ شَ تَنتُي رَ سِفَ عَلَتَلَ مَ، وٌ عَلَتَلَ مَتْشْ عَ شُننَكٍلِ نُن عَ شَ سّنبّ شَ قٍ رَ. 
وٌ شَ عَ شِلِ بِنيَ عَلْ عَ لَنمَ وٌ شَ عَ رَبَ كِ نَشّ. وٌ شَ قَ هَدِيَ رَ، وٌ شَ عَ رَ سٌ عَ شَ هْرْ مْبَنشِ تّتّ كُي. 
وٌ شَ سُيِدِ مَرِفِ بّ عَ شَ نْرّ يَ عِ. دُنِحَ بِرِن شَ سّرّن عَ يَ رَ. 
وٌ شَ عَ قَلَ سِ بِرِن بّ، «عَلَتَلَ نَن نَ مَنفّ رَ. دُنِحَ شَنشِ، عَ مُ عَ عِمَشَمَ. عَلَ حَمَيٍ مَكِيتِمَ تِنشِنيِ رَ. 
كٌورٍ شَ سّيوَ، بْشِ شَ حّلّشِن. بَا نُن عَ كُي عِسٍيٍ شَ وُندُ سّيوّ رَ. 
شّيٍ نُن عٍ شَ بٌفِ سٍيٍ شُي شَ عِتٍ، وٌندِ وُرِ بِلِيٍ شَ عٍ سّيوَ شُي عِتٍ 
عَلَتَلَ يَ رَ نَشَن قَقٍ. عَ قَقٍ دُنِحَ مَكِيتِدٍ. عَ دُنِحَ مَكِيتِمَ تِنشِنيِ نَن نَ، عَ حَمَيٍ مَكِيتِ نْندِ رَ.»