يَبُرَ.
97.
عَلَتَلَ نَن نَ مَنفّ رَ. دُنِحَ شَ حّلّشِن، سُرِيٍ شَ سّيوَ. 
نُشُي نُن كُيٍ عِقْورْشِ عَ رَبِلِنمَ. عَ شَ كِبَنيِ دْشْشِ تِنشِنيِ نُن نْندِ قَرِ. 
تّ تِشِ عَ يَ رَ، عَ عَ يَشُييٍ بِرِن فَنمَ عَ رَبِلِنيِ. 
عَ دُنِحَ عِيَلَنمَ عَ شَ سٍيَمَكْنيِيٍ رَ، دُنِحَ مِشِيٍ نَ عَ تٌ، عٍ سّرّنمَ نّ. 
فٍيَيٍ شُنُمَ دُنِحَ مَرِفِ عَلَتَلَ يَ رَ عَلْ كُمِ دٌلٍ. 
كٌورٍ عَ شَ تِنشِنيِ مَسٍنمَ، سِ بِرِن عَ شَ نْرّ تٌمَ. 
كُيٍ بَتُيٍ قَمَ نّ يَافِدٍ عَ يَ رَ، سّنبّمَيٍ عٍ قٍلٍنمَ نّ عَ بُن مَ. 
سِيٌنِكَيٍ نَ عَ شُي مّ، عٍ سّيوَ مَ نّ، يُدَيَكَيٍ حّلّشِنمَ نّ عِ تَن عَلَتَلَ شَ كِيتِ رَ، 
بَرِ مَ عِ تَن مَرِفِ شُن نَكٍلِشِ سّنبّمَيٍ بِرِن بّ. 
عَلَتَلَ شَنُنتٍنيِ شَ قٍ حَاشِ شْن. عَلَتَلَ عَ بَتُلَيٍ مَكَنتَمَ نّ، عَ عٍ بَ مِشِ كٌبِيٍ بّلّشّ. 
نَءِيَلَنيِ نَ تِنشِنتْييٍ نَن بّ، سّيوّ نَ مِشِيٍ بّ نَشٍيٍ بْحّ قِيشّ. 
تِنشِنتْييٍ، وٌ سّيوَ مَرِفِ رَ، وٌ شَ تَنتُي رَ سِفَ عَ شِلِ سّنِيّنشِ مَ.