يَبُرَ.
108.
دَوُدَ شَ بّيتِ 
عَلَ، ﭑ بَرَ نَتّ تٌنفٌ ﭑ بْحّ كُي. ﭑ مَرِفِ شُننَكٍلِ كَنيِ، ﭑ ﭑ شُي رَ مِنِمَ نّ بّيتِيٍ رَ. 
ﭑ ﭑ مَ كْرَيٍ نُن ﭑ مَ مَشَسٍيٍ بٍرٍ مَ نّ سُبَشّ مَ. 
ﭑ مَرِفِ، ﭑ عِ بَتُمَ نّ سِيٍ تَفِ، ﭑ عِ مَتْشْمَ نّ بّيتِ رَ حَمَنّيٍ يَ مَ، 
بَرِ مَ عِ شَ دُفُتّفّحَ فبٌ دَنفِ كٌورٍ رَ، عِ شَ شَنُنتٍيَ عِتٍ عَلْ نُشُييٍ. 
عَلَ، عِ شُنيِ رَكٍلِ كٌورٍ مَ، عِ شَ نْرّ شَ لُ بْشِ بِرِن شُن مَ، 
عَلَكٌ عِ شَنُنتٍنيِيٍ شَ كِسِ عِ سّنبّ سَابُي رَ. يَندِ، ﭑ مَ دُبَ سُشُ. 
عَلَ بَرَ وْيّن عَ شَ لِنفِرَ سّنِيّنشِ كُي، «ﭑ ﭑ شُن نَكٍلِمَ نّ، ﭑ سِكٍمِ بْشِ عِتَشُن، ﭑ سُكْتِ فُلُنبَ سْتْمَ نّ. 
ﭑ فبٍ نَن فَلَدِ رَ، ﭑ فبٍ نَن مَنَسِ رَ. عٍقِرَ مِ بْشِ تَن لُمَ نّ عَلْ ﭑ شُن مَكَنتَسٍ، يُدَيَ قِندِ ﭑ مَ مُنيَاتِ رَ. 
ﭑ ﭑ سَنيِ مَشَمَ مٌوَبَ بْشِ مَ، ﭑ ﭑ مَ سَنكِرِ وٌلِمَ عٍدٌن نَن مَ عَ شَ قِندِ ﭑ فبٍ رَ. ﭑ فٍرٍ تِ شُي مّمَ نّ قِلِسِتَ بْشِ مَ.» 
«ندٍ ﭑ شُن تِمَ تَا مَكَنتَشِ رَ؟ ندٍ ﭑ شَنِنمَ عٍدٌن بْشِ مَ؟ 
عَلَ مُ عَ رَ، نَشَن مُشُ رَبّحِنشِ فٍرٍ كُي؟ 
عِ شَ قَ مُشُ مَلِدٍ، عِ شَ مُشُ بَ مُشُ يَشُييٍ يِ رَ. عَدَ مَدِيٍ شَ مَلِ قُقَقُ نَ عَ رَ. 
وٌن قَمَ وٌن سّنبّ رَ مِنِدٍ عَلَ شَ مَلِ سَابُي رَ. عَ تَن نَن قَمَ وٌن يَشُييٍ عِوُرُدٍ.»