يَبُرَ.
112.
وٌ مَرِفِ عَلَ مَتْشْ! هّيرِ نَ مِشِ بّ نَشَن فَاشُمَ مَرِفِ يَ رَ، نَشَن تِنمَ عَ شَ يَامَرِيٍ رَبَتُدٍ. 
عَ بْنسْي سّنبّ فبٌمَ نّ بْشِ مَ. بَرَكّ لُمَ تِنشِنتْي نَن مَ. 
نَاقُلِ نُن بَننَيَ لُمَ عَ يِ رَ، عَ شَ تِنشِنيِ شَنشِ عَبَدَن. 
يَنبّ مِنِمَ دِ مِ كُي تِنشِنتْي بّ، نَشَن كِنِكِنِمَ عَ بٌورٍ مَ، نَشَن هِننّمَ عَدَ مَدِيٍ رَ، نَشَن لُمَ حّرّ رَ تِنشِنيِ كُي. 
بَرَكّ لُمَ مِشِ بّ نَشَن مِشِيٍ كِمَ، نَشَن تِنمَ مِشِ دٌنِدٍ، نَشَن وَلِمَ تِنشِنيِ رَ. 
نَ كَنيِ مُ بِرَ مَ، مِشِيٍ مُ نّيمُمَ عَ شَ تِنشِنيِ مَ. 
عَ مُ فَاشُمَ شِبَارُ حَاشِ يَ رَ، بَرِ مَ عَ شَشِلِ تِشِ عَلَتَلَ رَ، عَ بْحّ شَنشِ. 
عَ بْحّ رَشَرَ، فَاشُي يٌ مُ عَ مَ. عَ رَحْنيِ، عَ نْمَ نّ عَ يَشُييٍ رَ. 
عَ مِسِكِينّ كِمَ، عَ حّرّ مَ تِنشِنيِ كُي تّمُي بِرِن، عَ شُن نَكٍلِمَ تُن. 
مِشِ حَاشِ تْورْ مَ نَ تٌقٍ رَ، عَ عَ حِنيِ مَشِنمَ، عَ شَ قٍ شُن نَكَنَمَ. مِشِ حَاشِيٍ شَ نَتّ مُ كَمَلِمَ قٍقٍ مَ.