يَبُرَ.
116.
ﭑ عَلَتَلَ شَنُمَ بَرِ مَ عَ ﭑ شُي مّمَ. عَ نَشَ كِنِكِنِ ﭑ وَ شُي مَ. 
عَ تٌ عَ تُلِ مَتِ ﭑ نَ، ﭑ عَ مَشَندِ مَ نّ ﭑ مَ سِمَيَ بِرِن كُي. 
قَشّ لُوتِ نُ بَرَ ﭑ شِرِ، عَلِفِيَمَ تْورّ نُ بَرَ ﭑ لِ، نِمِسّ نُن كْنتْقِلِ نُ بَرَ نْ ﭑ نَ، 
كْنْ نَ تّمُي ﭑ نَشَ عَلَتَلَ مَشَندِ، «عَلَتَلَ، يَندِ، ﭑ نَكِسِ!» 
هِننّنتٍ نَن عَلَتَلَ رَ، عَ تِنشِن. وٌن مَرِفِ عَلَ كِنِكِنِمَ وٌن مَ. 
عَ مِشِ مَفٌرٌشِ كَنتَمَ. ﭑ سّنبّ تٌ حْن، عَ نَشَ ﭑ نَكِسِ. 
ﭑ شَ ﭑ نِي رَشَرَ، بَرِ مَ عَلَتَلَ بَرَ قٍ قَنيِ رَبَ ﭑ بّ. 
عَلَتَلَ، عِ بَرَ ﭑ نِي رَتَنفَ قَشّ مَ، عِ يَيٍ بَ ﭑ يَ رَ، عِ ﭑ سَنيِ سّنبّ سٌ، 
عَلَكٌ ﭑ شَ حّرّ عِ تَن عَلَتَلَ يَ رَ مِشِ بَلٌشِ يَ مَ. 
ﭑ تٌ نُ ﭑ شَشِلِ تِمَ عِ رَ، ﭑ نَشَ عَ قَلَ عِ بّ، «ﭑ نَ تْورْقٍ.» 
لِمَنِيَ تٌ بَ ﭑ يِ رَ، ﭑ نَشَ عَ قَلَ، «وُلٍ قَلّ نَن مِشِ بِرِن نَ.» 
عَلَتَلَ، ﭑ عِ سَرٍ قِمَ دِ، عِ شَ هِننّ شَ قٍ رَ؟ 
ﭑ عِ شَ مَرَتَنفّ مَسٍنمَ نّ حَمَ بّ، عَلَتَلَ شِلِ مَتْشْقٍ رَ. 
ﭑ نَ ﭑ مَ لَايِدِيٍ رَكَمَلِمَ نّ عَلَتَلَ بّ، عَ شَ حَمَ بِرِن يَ شْرِ. 
عَلَتَلَ عَ حْشْ سَمَ نّ عَ بَتُلَيٍ شَ سِمَيَ شْن مَ. 
عِ تَن عَلَتَلَ شَ كٌنيِ دِ نَن ﭑ نَ، عِ شَ كٌنيِ فِنّ شَ دِ، عِ نَشَن نَقُلُنشِ سَيَ لُوتِ رَ. 
ﭑ تَنتُي سّرّشّ بَمَ نّ عِ بّ، ﭑ عِ شِلِ مَتْشْمَ نّ. 
ﭑ نَ ﭑ مَ لَايِدِيٍ رَكَمَلِمَ نّ عَلَتَلَ بّ، عَ شَ حَمَ بِرِن يَ شْرِ، 
عَلَتَلَ شَ بَنشِ تّتّ كُي، دَرِ سَلَمُ حَمَ يَ شْرِ. وٌ مَرِفِ مَتْشْ!