يَبُرَ.
124.
بِيَاسِلَيٍ شَ بّيتِ ندٍ دَوُدَ نَشَن سّبّ عِسِرَيِلَ حَمَ شَ عَ قَلَ؛ شَ عَلَتَلَ مُ لُ وٌن سّيتِ مَ نُ، 
شَ عَلَتَلَ مُ وٌن مَلِ فٍرٍ كُي نُ، 
نَ فٍرٍقَيٍ بَرَ وٌن شُن نَكَنَ عٍ شَ شْنّ رَ نُ، 
عَلْ بَنبَرَنيِ دِنمَ شُرٍ مَ كِ نَشّ، 
عَ قَ مِشِيٍ مَدُلَ يٍ شْورَ سّنبّ رَ. 
تَنتُي نَ عَلَتَلَ بّ، نَشَن مُ تِن عٍ شَ نْ وٌن نَ. 
وٌن بَرَ كِسِ عَلْ شْنِ نَشَن كِسِشِ فَنتَنيِ رَ. فَنتَنيِ بَرَ كَنَ، يّلّ بَرَ بْو عَ رَ، وٌن بَرَ عٍ لُ نَا. 
وٌن مَ دّ مّرِ نَ عَلَتَلَ شِلِ نَن نَ، نَشَن كٌورٍ نُن بْشِ دَاشِ.