يَبُرَ.
138.
دَوُدَ شَ بّيتِ ﭑ عِ بَتُمَ نّ ﭑ بْحّ بِرِن نَ، ﭑ عِ مَتْشْ عَلَيٍ يَ عِ. 
ﭑ نَ ﭑ شِنبِ سِنمَ نّ عِ شَ هْرْ مْلِنفِرَ مَبِرِ، ﭑ عِ شِلِ مَتْشْ عِ شَ شَنُنتٍيَ نُن دُفُتّفّحَ شَ قٍ رَ، بَرِ مَ عِ بَرَ عِ شِلِ نُن عِ شَ مَسٍنيِ رَتٍ قٍ بِرِن شُن نَ. 
ﭑ تٌ عِ شِلِ، عِ نَشَ ﭑ يَابِ، عِ نَشَ ﭑ نَلِمَنِيَ عِ سّنبّ رَ. 
مَنفّ نَشٍيٍ بِرِن نَ يِ دُنِحَ مَ، عٍ نَ عِ شَ مَسٍنيِ رَ مّ، عٍ شَ عِ مَتْشْ. 
عٍ شَ عَلَتَلَ شَ كِرَ مَتْشْ، بَرِ مَ عَلَتَلَ شَ نْرّ فبٌ. 
هَلِ عَلَتَلَ نَ كٌورٍ مَ، عَ مّينِمَ نّ مِشِ مَفٌرٌشِيٍ مَ، كْنْ عَ مَكُيَمَ نّ يّتّ عِفبٌييٍ رَ. 
ﭑ نَ لُ تْورّ كُي، عِ ﭑ نَكِسِمَ نّ، عِ ﭑ يَشُييٍ شَ شْنّ شُن نَكَنَمَ نّ، عِ قَ ﭑ نَكِسِ عِ سّنبّ رَ. 
عَلَتَلَ ﭑ مَ قٍيٍ رَكَمَلِمَ نّ. عَلَتَلَ، دَن مُ نَ عِ شَ شَنُنتٍيَ مَ. عِ نَشَ عِ شَ دَالِيٍ رَبٌلٌ.