يَبُرَ.
140.
دَوُدَ شَ بّيتِ بّيتِبَيٍ شَ مَنفّ بّ 
عَلَتَلَ، ﭑ نَتَنفَ مِشِ حَاشِيٍ يِ رَ، نَشٍيٍ وَ مَ ﭑ تْورْقٍ، 
نَشٍيٍ نَتّ تٌنفٌمَ عٍ بْحّ مَ فٍرٍ مَسٌقٍ رَ لْشْ يٌ لْشْ. 
عٍ شَ وْيّنيِ شْنْ عَلْ بْشِمَسٍ شَ شْنّ. حّنفِ رَتٍ. 
عَلَتَلَ، عِ شَ ﭑ نَتَنفَ مِشِ حَاشِيٍ بّلّشّ عِ. عِ شَ ﭑ نَتَنفَ مِشِ كٌبِيٍ مَ نَشٍيٍ وَ مَ ﭑ نَبِرَقٍ. 
عِ شَ ﭑ نَتَنفَ يّتّ عِفبٌي شَ فَنتَنيِ نُن لُوتِيٍ مَ، نَشٍيٍ يّلّيٍ عِتَلَمَ ﭑ مَ كِرَيٍ رَ ﭑ سُشُقٍ رَ. 
عَلَتَلَ، ﭑ مَرِفِ عَلَ نَن عِ رَ. عِ شَ عِ تُلِ مَتِ ﭑ وَ شُي رَ. 
عَلَتَلَ، ﭑ نَكِسِمَ سّنبّمَ، نَشَن ﭑ نَتَنفَمَ ﭑ فٍرٍ لْشْي، 
عِ نَشَ تِن مِشِ كٌبِيٍ وَشْنقٍ رَ، عِ نَشَ نَ سْونّيَ عٍ بّ عَلَكٌ عٍ شُن نَشَ قَ رَكٍلِ. حّنفِ رَتٍ. 
ﭑ فٍرٍقَيٍ شَ قٍ حَاشِ مَشِرِشِيٍ شَ فبِلٍن عٍ مَ. 
تّ وٌلٍ شَ دْشْ عٍ شُن نَ، عٍ شَ رَدِن تّ شْورَ، عٍ نَشَ قَ مِنِ نَ كُي سْنْن. 
قٍ حَاشِ رَبَيٍ نَشَ سَبَتِ يِ بْشِ مَ، تْورّ نَن تُن شَ رَفِرِ عٍ مَ. 
ﭑ عَ كٌلٌن عَلَتَلَ كِيتِ قَنيِ سَمَ نّ مِسِكِينّيٍ بّ، عَ نْندِ قِمَ سٍتَرٍيٍ مَ. 
تِنشِنتْييٍ عِ شِلِ مَتْشْمَ نّ، نْندِلَيٍ كِسِمَ نّ عِ يَ عِ.