يَبُرَ.
144.
دَوُدَ شَ بّيتِ تَنتُي نَ عَلَتَلَ بّ، نَشَن قِندِشِ ﭑ مَ قَنيٍ رَ، نَشَن ﭑ بّلّشّ رَوَلِمَ عَ شَ فٍرٍ كُي، 
نَشَن قِندِشِ ﭑ شَنُنتٍنيِ سّنبّمَ رَ، نَشَن قِندِشِ ﭑ كَنتَمَ نُن ﭑ نَكِسِمَ رَ، نَشَن نْمَ ﭑ يَشُييٍ رَ عَلَكٌ ﭑ شَ كَنتَرِ سْتْ. 
عَلَتَلَ، مُنسٍ نَ عَدَ مَ رَ عِ تٌ قَ مّينِشِ عَ مَ؟ مُنسٍ نَ عَدَ مَ شَ دِ رَ عِ تٌ قَ عِ حْشْ سَشِ عَ شْن مَ؟ 
عَدَ مَدِ لُشِ نّ عَلْ حّنفِ قٌيٍ، عَ شَ سِمَيَ دَنفِمَ نّ عَلْ نِينِ دَنفِمَ كِ نَشّ. 
عَلَتَلَ، عِ شَ كٌورٍ رَبِ عِ فٌرٌقٍ رَ، عِ قَ دِن فٍيَيٍ رَ عَلَكٌ تُورِ شَ تٍ. 
عِ شَ سٍيَمَكْنيِ رَبُلَ يَشُييٍ رَيٍنسٍنقٍ رَ. شَلِيٍ وٌلِ عَلَكٌ عٍ شَ سِفَ. 
عِ شَ عِ بّلّشّ عِتَلَ كٍلِقٍ كٌورٍ مَ، عَلَكٌ عِ شَ ﭑ نَكِسِ، عِ شَ ﭑ نَتَنفَ ﭑ يَشُييٍ مَ عَلْ مِشِ رَتَنفَمَ مْرْنيِيٍ مَ كِ نَشّ. 
ﭑ نَكِسِ وُلٍ قَلّيٍ مَ نَشٍيٍ وَ مَ ﭑ مَدَشُقٍ. 
عَلَ، ﭑ بّيتِ نّينّ بَمَ نّ عِ بّ ﭑ مَ كْرَ لُوتِ قُ دَاشِ شُي رَ. 
ﭑ عِ مَتْشْمَ نّ، عِ تَن نَشَن مَنفّيٍ شُن نَكٍلِمَ، نَشَن عِ شَ كٌنيِ دَوُدَ رَتَنفَمَ سَنتِدّفّمَ حَاشِ مَ. 
ﭑ نَكِسِ، ﭑ نَتَنفَ ﭑ يَشُييٍ مَ، نَشَن وُلٍ قَلَمَ مِشِ مَدَشُقٍ رَ. 
نَ تّمُي مُشُ شَ دِ شّمّيٍ قَنمَ نّ عَلْ وُرِ بِلِيٍ، مُشُ شَ دِ فِنّيٍ تٌقَنمَ نّ عَلْ كْنتِفِبَ، نَشٍيٍ مَسٌلِشِ مَنفّ بَنشِ كُي. 
مُشُ شَ بَنشِيٍ رَقٍمَ نّ دَشَمُي مْولِ بِرِن نَ، مُشُ شَ فْورّيٍ وُيَمَ نّ عَ وُلُ وُلُ مَ، 
مُشُ شَ نِنفٍيٍ شُنفبٌمَ نّ، لَنيُرُ يٌ مُ لُمَ عٍ مَ، عٍ قُرِ مُ بِرَ مَ، سْنشْي مُ مّمَ مُشُ مَلَندٍيٍ. 
سّيوّ نَ حَمَ بّ عَلَ قَمَ يِ قٍ مْولِ رَبَدٍ نَشَن نَ. سّيوّ نَ حَمَ بّ عَلَتَلَ قِندِشِ نَشَن مَرِفِ عَلَ رَ.