يَبُرَ.
145.
دَوُدَ شَ عَلَ مَتْشْي ﭑ مَ مَنفّ عَلَ، ﭑ عِ مَتْشْمَ نّ، ﭑ عِ شِلِ تَنتُمَ نّ عَبَدَن. 
لْشْ يٌ لْشْ ﭑ عِ مَتْشْمَ نّ، ﭑ عِ شِلِ تَنتُمَ نّ عَبَدَن. 
عَلَتَلَ سّنبّ فبٌ، مَتْشْي بِرِن نَ عَ تَن نَن بّ، عَدَ مَدِ مُ نْمَ سٌدٍ نَ بِرِن كُي. 
يِ وَشَتِ مِشِيٍ قَمَ نّ عِ شَ كَابَنَكٌي قَلَدٍ بٌورٍ وَشَتِ مِشِيٍ بّ. 
عٍ قَمَ نّ عِ شَ نْرّ تٌقَنيِ مَسٍندٍ. ﭑ لُمَ نّ عِ شَ كَابَنَكٌي مَحْشُن نَ. 
عٍ قَمَ نّ عِ سّنبّ مَفَاشُشِ شَ قٍ قَلَدٍ. ﭑ لُمَ نّ عِ شَ كَابَنَكٌي مَسٍن نَ. 
عٍ قَمَ نّ حّلّشِندٍ عِ شَ هِننّ شُنفبٍ رَ، عٍ عِ شَ تِنشِنيِ مَسٍنمَ نّ بّيتِ سّيوَشِ رَ. 
عَلَتَلَ هِننّ مِشِ رَ، عَ كِنِكِنِ، عَ دِحّشِ، عَ شَ شَنُنتٍيَ فبٌ. 
عَلَتَلَ قٍ قَنيِ رَبَمَ مِشِ بِرِن بّ، عَ كِنِكِنِ عَ شَ دَالِ بِرِن مَ. 
عَلَتَلَ، عِ شَ دَالِيٍ بِرِن عِ مَتْشْمَ نّ، عِ شَ سّنِيّنتْييٍ عِ تَنتُمَ نّ. 
عٍ عِ شَ مَنفّيَ شُنفبٍ شَ قٍ مَسٍنمَ نّ، عٍ عِ سّنبّ شَ قٍ قَلَمَ نّ، 
عَلَكٌ مِشِيٍ شَ عِ شَ كَابَنَكٌي كٌلٌن، عَ نُن عِ شَ مَنفّيَ نْرْشِ. 
عِ شَ مَنفّيَ مُ حْنمَ نّ، عِ شَ نْي بُمَ نّ عَبَدَن. 
عَلَتَلَ بِرَ مِشِ مَلِمَ، عَ مِشِ مَفٌرٌشِ شُن نَكٍلِمَ نّ. 
دُنِحَ بِرِن عَ شَشِلِ تِشِ عِ رَ، عِ تَن نَن عٍ بَلٌمَ عَ وَشَتِ. 
عِ تَن نَن عِ بّلّشّ رَبِمَ، عِ بِرِن نَوَ سَ عٍ هَيِ نَ نَشَن مَ. 
عَلَتَلَ تِنشِن عَ شَ قٍ بِرِن كُي، عَ دُفُتّفّشِ عَ شَ دَالِيٍ مَ. 
عَلَتَلَ مَكْرّ عَ مَشَندِلَيٍ رَ، نَشٍيٍ عَ مَشَندِ مَ عٍ بْحّ قِيشّ رَ. 
عَ عَ يَرَفَاشُييٍ وَشْنقٍ رَبَمَ نّ، عَ عٍ شَ دُبَ سُشُمَ نّ، عَ عٍ رَكِسِ. 
عَلَتَلَ عَ شَنُنتٍنيِيٍ مَكَنتَمَ نّ، كْنْ عَ مِشِ حَاشِيٍ بِرِن سْنتْمَ نّ. 
ﭑ دّ عَلَتَلَ مَتْشْمَ نّ. دَالِ شَ عَ شِلِ سّنِيّنشِ مَتْشْ تّمُي بِرِن.