يَبُرَ.
146.
وٌ عَلَتَلَ مَتْشْ! ﭑ نِي شَ عَلَتَلَ مَتْشْ، 
ﭑ شَ عَ مَتْشْ ﭑ مَ سِمَيَ بِرِن نَ. ﭑ ﭑ مَرِفِ عَلَتَلَ مَتْشْمَ نّ بّيتِ رَ، قَننِ ﭑ نَ ﭑ نِي رَ. 
وٌ نَشَ وٌ يّتّ تَشُ مِشِ شُنفبٍيٍ رَ، بَرِ مَ عَدَ مَدِيٍ نَ عٍ رَ، نَشٍيٍ مُ نْمَ مِشِ رَكِسِدٍ. 
عٍ نِي بَمَ نّ عٍ قَتٍ عِ، عٍ فبِلٍن بّندّ. نَ لْشْي يَتِ، عٍ نَشَن حَنِفٍشِ، نَ بِرِن حْنمَ نّ. 
سّيوّ نَ مِشِ بّ، يَشُبَ مَرِفِ عَلَ نَشَن مَلِمَ. سّيوّ نَ مِشِ بّ، نَشَن عَ شَشِلِ تِمَ عَ مَرِفِ عَلَتَلَ رَ، 
عَلَ نَشَن كٌورٍ نُن بْشِ دَا، عَلَ نَشَن بَا نُن عَ كُي سٍيٍ بِرِن دَا، دُفُتّفّحَ نَ عَلَ نَشَن بّ عَبَدَن. 
عَلَتَلَ تْوحّفّتْييٍ شُن مَقَلَمَ، عَ دٌنسٍ قِمَ كَامّتْييٍ مَ، عَ فٍيلِمَنِيٍ رَ مِنِمَ فٍيلِ كُي، 
عَ دْنشُييٍ يَ رَبْو مَ، عَ مِشِ مَفٌرٌشِيٍ شُن نَكٍلِمَ، عَ تِنشِنتْييٍ شَنُمَ، 
عَ مّينِمَ شْحّيٍ مَ، عَ كِرِدِيٍ نُن كَاحّ فِنّيٍ بُن تِمَ، كْنْ عَ مِشِ حَاشِيٍ تَن شُن نَكَنَمَ نّ. 
سِيٌنِ، وٌ مَرِفِ عَلَتَلَ شَ مَنفّيَ مُ حْنمَ عَبَدَن. وٌ شَ عَلَتَلَ مَتْشْ!