يَبُرَ.
148.
وٌ عَلَتَلَ مَتْشْ! وٌ عَلَتَلَ مَتْشْ كٍلِقٍ كٌورٍ مَ. وٌ عَ مَتْشْ يِرٍ عِتٍشِ كُي. 
عَلَتَلَ شَ مَلٍكّيٍ شَ عَ مَتْشْ، عَ شَ فَلِيٍ شَ عَ مَتْشْ كٌورٍ مَ. 
سٌفٍ نُن كِكٍ شَ عَ مَتْشْ، تُنبُي دّشّشِيٍ قَن شَ عَ مَتْشْ. 
كٌورٍ شَ عَ مَتْشْ، عَ نُن يٍ نَشَن تٌمَ نَا. 
عٍ بِرِن شَ عَلَتَلَ شِلِ مَتْشْ، بَرِ مَ عَ يَمَرِ نَن قِ، عٍ نَشَ دَا. 
عَ نَشَ عٍ تِ عٍ تِدٍ، عٍ شَ لُ نَا عَبَدَن. عَ نَشَ نَ سّرِيّ سَ، نَشَن مُ كَنَمَ. 
وٌ عَلَتَلَ مَتْشْ كٍلِقٍ بْشِ مَ. بَا نُن نِمَسٍ بِرِن نَشٍيٍ نَ بَا تِلِنيِ كُي، 
سٍيَمَكْنيِ، بَلَبَلَنيِ، كُندَ، نُشُييٍ، نُن قٌيٍ شُنفبٍ نَشَن عَ شَ يَامَرِ رَتِنمّمَ، 
فٍيَيٍ نُن تٍنتٍنيِيٍ، وُرِ بٌفِلَيٍ نُن سّدِرِ بِلِيٍ، 
وُلَءِ سُبٍيٍ نُن شُرُ سٍيٍ، بُبُسٍيٍ نُن شْنِيٍ، 
دُنِحَ مَنفّيٍ نُن سِيٍ، مَنفّدِيٍ نُن دُنِحَ كُنتِفِيٍ، 
قٌنِكٍيٍ نُن فِنّدِ مّدِيٍ، دِ مّيٍ نُن قٌرِيٍ، 
عٍ بِرِن شَ عَلَتَلَ شِلِ مَتْشْ، بَرِ مَ عَ شِلِ فبَنسَن نَن عِتٍشِ، عَ نْرّ دَنفِ كٌورٍ نُن بْشِ رَ. 
عَ بَرَ مَنفّ سّنبّمَ رَكٍلِ عَ شَ حَمَ شُن نَ، عَ شَ سّنِيّنتْييٍ نَشَن مَتْشْمَ، سّنِيّنتْييٍ نَشَن قِندِشِ عِسِرَيِلَ عَ شَ حَمَ شَنُشِ رَ. وٌ عَلَتَلَ مَتْشْ!