تَالِيٍ.
5.
ﭑ مَ دِ، مّينِ ﭑ مَ لْننِ مَ، عِ عِ تُلِ مَتِ ﭑ مَ شَشِلِ قَنيِ رَ، 
عَلَكٌ عِ شَ قَهَامُي سْتْ، عِ دّ شَ وْيّنيِ شْرِ قَلَ. 
لَنفٌي شَ وْيّنيِيٍ حْشُن عَلْ كُمِ، عَ مَسَلَشُن عَلْ سُلٌحِ، 
كْنْ عَ رَحْنيِ شْنْ عَلْ مٍلِ، عَ شّحّن عَلْ سَنتِدّفّمَ دّ قِرِنيِ. 
عَ سَنيِيٍ عَ شُن تِمَ فبَلٌي رَ، عَ شَ كِرَ مِشِ شَنِنمَ عَلِفِيَمَ نّ. 
عَ مُ لُمَ سِمَيَ كِرَ شْن مَ. عَ لْيشِ، كْنْ عَ مُ عَ كٌلٌن. 
يَكْسِ، ﭑ مَ دِ، عِ عِ تُلِ مَتِ ﭑ نَ، عِ نَشَ عِ مَكُيَ ﭑ مَ مَسٍنيِ رَ. 
عِ مَكُيَ لَنفٌي شَ كِرَ رَ، عِ نَشَ عِ مَكْرّ عَ شَ بَنشِ نَادّ رَ، 
عَلَكٌ بِنيّ نَشَ بَ عِ مَ، شّمّ يَ عِشَرَشِ نَشَ قَ عِ شَ دُنِحّءِفِرِ كَنَ. 
شَ نَ مُ عَ رَ مِشِ فبّتّيٍ نَن لُفَمَ عِ هَرِفٍ رَ، عِ شَ وَلِ تْنّ لُ بٌورٍيٍ بّ، 
عِ عِ شَ سِمَيَ رَحْن تْورّ كُي، عِ قَتٍ بِرِن بَ عِ مَ عَ حَاشِ رَ. 
عِ عَ قَلَمَ نّ كْرّ، «ﭑ نَ مَرَ سِ شْن مُنقٍ رَ؟ ﭑ بْحّ تٌندِ نَ سّرِيّ رَ مُنقٍ رَ؟ 
مُنقٍ رَ ﭑ مُ ﭑ تُلِ مَتِ ﭑ كَرَ مْشْييٍ رَ، ﭑ مُ ﭑ تُلِ مَتِ ﭑ نَسِمَيٍ رَ؟ 
ﭑ قَ نَ تْورّ بِرِن دْنشْي نَن كُي يِ كِ حَمَ يَ شْرِ.» 
يٍ مِن، نَشَن مِنِمَ عِ يّتّ شَ كْلْنيِ رَ. 
عِ نَشَ تِن عِ شَ كْلْنيِ يٍ شَ فٌرٌ مِشِيٍ بُن مَ، عِ نَشَ تِن عِ شَ يٍ شَ مَكَنَ تَا كُي. 
نَ يٍ شَ قِندِ عِ كٍرٍن نَن فبٍ رَ، عِ تَن نُن شْحّيٍ نَشَ نَ عِتَشُن. 
بَرَكّ شَ لُ عِ شَ كْلْنيِ مَ، عِ شَ سّيوَ عِ شَ فِنّ رَ عِ نَشَن قُتِ عِ قٌنِكٍ رَ. 
عِ شَ فِنّ تٌقَن عَلْ بٌلٍ، عَ قَن عَلْ شٍلِ. عَ شَ مَرَقَنيِ شَ لُ عِ بْحّ كُي، عِ شَ عَ مَشَنُ تّمُي بِرِن. 
ﭑ مَ دِ، عِ بِرَ مَ مِشِ فبّتّ شَ فِنّ قْشْ رَ مُنقٍ رَ؟ مُنقٍ رَ عِ فِنّ شِحّ سُنبُمَ عِ فبٍ مُ نَشَن نَ؟ 
عَلَتَلَ عَدَ مَ حّرّ كِ بِرِن كٌلٌن. عَ عَدَ مَ شَ كِرَ بِرِن تٌمَ. 
مِشِ حَاشِ شَ وَلِ حَاشِيٍ نَن عَ سُشُشِ، عَ شَ يَنفٌي نَن قِندِشِ فَنتَنيِ رَ عَ بّ. 
عَ شَ شُرُتَرٍحَ نَن عَ نِيَمَ عَ قَشَ، عَ شَ دَشُحَ نَن عَ نِيَمَ عَ بْنْ.