تَالِيٍ.
6.
ﭑ مَ دِ، شَ عِ عِ يّتّ تَانِشِ عِ بٌورٍ ندٍ بّ، عِ قِندِشِ هَمِلُ رَ عَ بّ عٍ نُن مِشِ فبّتّ تَفِ، 
شَ عِ عِ يّتّ رَشّتّنشِ عِ شَ وْيّنيِ ندٍ رَ، شَ عِ عِ يّتّ شِرِشِ نَ لَايِدِ مْولِ رَ، 
ﭑ مَ دِ، عِ شَ قٍ بِرِن نَبَ عِ يّتّ رَ مِنِدٍ عَ كُي، شَ نَ مُ عَ رَ عِ لُمَ نّ عِ بٌورٍ سَفٌي. سِفَ، عِ عِ قٍلٍن عِ بٌورٍ بّ، عِ شَ عَ مَيَندِ. 
عِ نَشَ شِ دٍ، نَ رَبَ كٍرٍن نَ. 
عِ عِ يّتّ رَتَنفَ يِ قٍ مْولِ مَ، عَلْ شٍلِ عَ يّتّ رَتَنفَمَ كٌيِنمَ بّلّشّ مَ كِ نَشّ، عَلْ شْنِ قَن عَ يّتّ رَتَنفَمَ فَنتَنيِ مَ كِ نَشّ. 
تُننَشْنّ، سِفَ دٌندٌلِ يِرٍ. مَرَ سِ قٍن عَ رَ، عَلَكٌ عِ شَ قِندِ شَشِلِمَ رَ. 
مَنفّ مُ نَ دٌندٌلِ بّ، كُنتِفِ نُن يَرٍرَتِ قَن مُ عَ بّ، 
كْنْ عَ وَلِمَ سٌفٌقُرٍ تّمُي، عَلَكٌ عَ شَ بَلٌي سْتْ عَ نَشَن دٌنمَ حّمّ رَ. 
عِ تَن تُننَشْنّ، عِ عِ سَمَ هَن مُن تّمُي؟ عِ كٍلِمَ شِشْلِ مَ تّمُي مُندُن؟ 
شِشْلِ نَ عِ سُشُ، عِ نَ كِنسْن، عِ نَ عِ سَ، 
سٍتَرٍحَ قَن قَمَ نّ عِ سُشُدٍ تّرّننَ رَ، عَلْ مُحّتِ مِشِ تّرّننَمَ كِ نَشّ. كَامّ عِ سُشُمَ نّ، عَلْ سْورِ مِشِ سُشُمَ كِ نَشّ. 
قُيَنتٍ مُ تِنشِن، عَ وُلٍ رَحّرّ مَ عَ دّ عِ نّ. 
عَ لُمَ عَ يَ مَفِرَ رَ، عَ نُ مِشِ مَكٍبٍنتِن عَ سَنيِيٍ نُن عَ بّلّشّيٍ رَ وُلٍ تْنشُمَ رَ. 
قٍ حَاشِ نَ عَ شَشِلِ كُي، عَ فٍرٍ مَسٌمَ تّمُي بِرِن. 
نَ كُي كَسَرّ قَمَ نّ عَ سُشُدٍ، عَ عَ شُن نَكَنَ كٍرٍنيِ رَ. 
قٍ سٍننِ نَ عَلَتَلَ نَشٍيٍ شْنشِ، عَ مُ تِنمَ نٍيٍ رَ قٍقٍ مَ؛ 
يّتّ عِفبٌي شَ مِشِ مَتٌ كِ، وُلٍ مِنِمَ دّ نَشَن كُي، بّلّشّ نَشَن نِي بَمَ قُقَقُ رَ، 
بْحّ نَشَن قٍ تِنشِنتَرٍ مَحْشُنمَ، سَنيِ نَشٍيٍ عٍ فِمَ سِفَقٍ رَ قٍ كٌبِ رَبَدٍ، 
سٍيدٍ نَشَن وُلٍ قَلَمَ، عَ نُن مِشِ نَشَن نفَشَكٍرٍنمَيٍ تَفِ عِسٌمَ. 
ﭑ مَ دِ، عِ بَبَ شَ سّرِيّ رَفَتَ، عِ نَشَ تٌندِ عِ نفَ شَ مَرَ سِ رَ. 
عٍ شَ لُ عِ بْحّ كُي تّمُي بِرِن، عٍ شِرِ عِ كْن مَ. 
عٍ عِ رَحّرّ مَ نّ عِ شَ دُنِحّءِفِرِ كُي، عٍ عِ مَكَنتَ عِ شَ سَدٍ مَ، عٍ عِ رَ سِ عِ كٍلِ تّمُي. 
نَ سّرِيّ قِندِشِ لَنثُي نَن نَ، نَ شَرَنيِ كِرَ مَسٍنمَ نّ عِ بّ، نَ مَرَ سِ عِ شُن تِمَ سِمَيَ كِرَ نَن شْن مَ. 
عٍ عِ رَتَنفَمَ فِنّ كٌبِ مَ، نُن شْحّ فِنّ دّ عِحْشُنشِ مَ. 
عِ نَشَ وَ نَ فِنّ شْن مَ عَ شَ تٌقَنيِ مَ، عِ نَشَ تِن عَ شَ نْ عِ رَ عَ يَيٍ رَ. 
لَنفٌي فِنّ نَشَن مُ نَ شّمّ تَا، عَ مِشِ قِندِ مَ سٍتَرٍ نَن نَ، كْنْ فِنّ يّنّلَ نَشَن دْشْشِ شّمّ ندٍ شْن، عَ مِشِ قَشَمَ نّ. 
مِشِ ندٍ نْمَ تّ تٌنفٌدٍ، عَ عَ سَ عَ يُبَ كُي، عَ قَ لُ عَ شَ دٌنمَ مُ فَن؟ 
مِشِ ندٍ نْمَ عَ حّرّدٍ تّ وٌلٍ تَفِ، عَ قَ لُ عَ سَنيِ مُ فَن؟ 
نَ مَنِيَمَ نّ عَلْ شّمّ نَشَن يَبُمَ فِنّ شّمّ تَا عِدْشْي رَ. شّمّ يٌ دِن نَ فِنّ رَ، عَ قَمَ حَشَنكَتّ نَن سْتْدٍ. 
مِشِ مُ يٌمَ مُحّتِ مَ، نَشَن مُحّ تِشِ عَ شَ كَامّ مَ، 
كْنْ عَ نَ سُشُ قٌ عَ شَ مُحَقٍ سَرٍ قِ، هَلِ نَ قِندِ عَ شَ نَاقُلِ بِرِن نَ. 
كْنْ شَشِلِتَرٍ نَن تُن يّنّ رَبَمَ فِنّ رَ. عَ عَ شُن نَكَنَ نَ قٍ مْولِ رَ. 
عَ قٍ شْرْشْي سْتْمَ نّ يَافِ كُي، نَشَن مُ فبِلٍنمَ عَ قْشْ رَ سْنْن، 
بَرِ مَ تْونّ شّمّ بْحّ رَتٍمَ نّ عَ حَاشِ رَ. فِنّ كَنيِ مُ كِنِكِنِمَ عَ فبٍ حْشْي لْشْي. 
عَ بْحّ مُ فٌرٌ مَ كْبِرِ رَ. هَلِ عِ عَ فبٍفبٍ قِ عَ مَ، عَ مُ عَ رَ سُشُمَ.