تَالِيٍ.
17.
تَامِ شُنتُنيِ سْتْقٍ بْحّسَ كُي نَ نَن قِسَ سُبٍ فبٍفبٍ سْتْقٍ بّ لَنتَرٍيَ نَ دّننَشّ. 
وَلِكّ شَشِلِمَ سّنبّ فبٌ دَنفِقٍ وَلِ كَنيِ شَ دِ رَ، نَشَن قٍ مَيَافِشِ رَبَمَ. نَ وَلِكّ مْولِ تَن كّ سْتْمَ نّ نَ دٍنبَيَ كُي. 
شّيمَ نُن فبٍتِ مَتٌسٍ نَ تّ نَن نَ، كْنْ عَلَتَلَ نَن عَدَ مَ بْحّ مَتٌمَ. 
قٍ كٌبِ رَبَ وْيّن تِنشِنتَرٍ رَ مّمَ، عَ عَ تُلِ مَتِمَ وُلٍ قَلّ رَ. 
مِشِ نَشَن يٌمَ سٍتَرٍيٍ مَ، نَ بَرَ سٍتَرٍ دَا مَرِفِ يٍلٍبُ. مِشِ نَشَن يٍلٍمَ عَ بٌورٍ شَ تْورّ مَ، نَ حَشَنكَتّ نَن سْتْمَ. 
مَمَدِيٍ قِندِشِ قٌرِيٍ شَ سّيوّ نَن نَ، بَبَيٍ قَن قِندِشِ عٍ شَ دِيٍ شَ سّيوّ نَن نَ. 
مَنفّ شَ وْيّنيِ مُ لَن شَشِلِتَرٍ دّ عِ، وُلٍ مُ لَن مَنفّ دّ عِ. 
كِ تِقٍ نَادّيٍ رَبِمَ نّ، عَ قٍ بِرِن سْونّيَمَ نّ. 
دِحّقٍ كٌنبِ مَ عَ مَرَقَنيِ نَن نَ فبٌمَ، كْنْ نَ عِقَلَقٍ عَ شَنُنتٍنمَيٍ تَفِ عِسٌمَ. 
تَنتَنيِ مَسٍنقٍ لْننِلَ بّ عَ قَهَامُي قِمَ نّ عَ مَ، دَنفِقٍ لْننِتَرٍ بْنبْقٍ لُشُسِنيِ يَ كّمّ رَ. 
مِشِ حَاشِ نَشَن مَنفّ مَتَندِ مَ تُن، سْورِ كِنِكِنِتَرٍ نَن شّيمَ عَ شِلِ مَ. 
نَرَلَنقٍ سُبٍ شَاحّ رَ، نَشَن شَ دِيٍ بَشِ عَ يِ، نَ قِسَ نَرَلَنقٍ شَشِلِتَرٍ رَ، نَشَن حّرّ مَ عَ شَ شَشِلِتَرٍحَ كُي. 
مِشِ نَشَن قٍ قَنيِ حْشْمَ قٍ حَاشِ رَ، قٍ حَاشِ مُ مَكُيَمَ نَ شَ بَنشِ رَ. 
فٍرٍ قْلْقٍ لُشِ نّ عَلْ بٌفٌنِ عِبْوقٍ. نَ كُي بٍينُن سْنشْي شَ مِنِ، كٍلِ نَا. 
مِشِ نَشَن نْندِ قِمَ قٍ كٌبِ رَبَمَ، نُن مِشِ نَشَن تِنشِنتْي تْوحّفّمَ، عٍ مُ رَقَن عَلَتَلَ مَ. 
هَلِ كْبِرِ لُ لْننِتَرٍ يِ رَ، عَ مُ نَ رَوَلِمَ لْننِ سْتْقٍ رَ. 
مِشِ عَ دّقَنبٌورٍ شَنُمَ تّمُي بِرِن، عَ عَ نفَشَكٍرٍنيِ مَلِمَ عَ تْورْ تّمُي. 
لْننِتَرٍ نَشَن شَشِلِ مُ نَ، نَ نَن فبَنسَن تَانِمَ عَ بٌورٍ بّ. 
فٍرٍ رَقَن مِشِ يٌ مَ، يُنُبِ قَن نَقَن نَ كَنيِ مَ. مِشِ نَشَن عَ يّتّ عِفبٌمَ، شُننَكَنّ نَن عَ لِمَ. 
مِشِ يٌ مَدَشُي تِمَ، نَ مُ هّيرِ سْتْمَ، مِشِ يٌ وْيّن كٌبِ قَلَمَ، نَ تْورْ مَ نّ. 
مِشِ يٌ دِ لْننِتَرٍ بَرِ، نَ قَمَ نّ تْورْدٍ. مِشِ يٌ دِ شَشِلِتَرٍ سْتْ، نَ مُ سّيوَ مَ. 
بْحّ سّيوَشِ، سٍرِ قَنيِ نَ عَ رَ، شَشِلِ سُننُنشِ تَن شْرِيٍ نَن شُن نَكَنَمَ. 
مِشِ حَاشِ سٍيٍ رَ سُشُمَ فُندٌ رَ، عَلَكٌ كِيتِ تِنشِنشِ شَ مَقِندِ. 
لْننِ مَكْرّ شَشِلِمَ رَ، كْنْ شَشِلِتَرٍ يَ تِشِ قٍ مَكُيَشِ نَن نَ. 
دِ شَشِلِتَرٍ قِندِ مَ تْورّ نَن نَ عَ بَبَ بّ، عَ قِندِ شْنّ رَ عَ نفَ بّ. 
عَ مُ لَن كْبِرِ شَ بَ تِنشِنتْي يِ رَ، عَ مُ لَن كُنتِفِ شَ بْنبْ عَ شَ تِنشِنيِ شَ قٍ رَ. 
شَشِلِمَ عَ دّ نَن سُشُمَ، عَ بْحّ مُ تٍمَ. 
شَشِلِتَرٍ نْمَ عَ مَحْشُندٍ لْننِلَ رَ شَ عَ دُندُشِ، عَ نْمَ عَ مَحْشُندٍ قَهَامُلَ رَ شَ عَ سَبَرِشِ.