تَالِيٍ.
24.
عِ نَشَ مِلَ مِشِ حَاشِيٍ مَ، عِ نَشَ تِن لُقٍ عٍ يَ مَ. 
عٍ بْحّ كٌبِ، عٍ شَ وْيّنيِ شْرْشْ. 
لْننِ بَنشِ تِمَ نّ، شَشِلِ قَنيِ دٍنبَيَ رَ سَبَتِ عَ كُي. 
قٍ كٌلٌنيِ عَ نِيَمَ نّ عٍ شَ هَرِفٍ سْتْ، هَرِفٍ هَفِفّ نَشَن مَنِيّ مُ نَ. 
لْننِلَ سّنبّ فبٌ، شَشِلِمَ سّنبّ شُن مَسَمَ نّ. 
عِ هَيِ نَ مَرَ سِمَ عَلَكٌ قٍ شَ سْونّيَ، شُننَكٍلِ سْتْمَ مَرَ سِمَيٍ نَن سَابُي رَ. 
لْننِ شْرْشْ شَشِلِتَرٍ بّ، وْيّنيِ يٌ مُ نَ عَ نَشَن قَلَمَ مَلَنيِ كُي. 
مِشِ نَشَن قٍ حَاشِ شَبُمَ، عَ شِلِ نّ كْوتَ حَاشِ شَبُي. 
شَشِلِتَرٍحَ قِندِشِ يُنُبِ نَن نَ. عَدَ مَدِيٍ مِشِ مَيٍلٍ شْنمَ. 
شَ لِمَنِيَ بَمَ عِ يِ رَ تْورّ كُي، عِ سّنبّ مُ فبٌ. 
مِشِيٍ رَتَنفَ نَشٍيٍ نَ سَيَ كِرَ شْن مَ، عٍ بَ مِشِيٍ يِ رَ نَشٍيٍ وَ مَ عٍ قَشَقٍ. 
شَ عِ عَ قَلَمَ، «مُشُ مُ نُ عَ كٌلٌن،» نَشَن بْحّيٍ مَ قٍ كٌلٌن، عَ مُ نَ تٌمَ؟ نَشَن حّنفِ سَشِ عِ شَ سِمَيَ شْن مَ، نَ مُ عِ قُرِ عِقٍ كٌلٌن؟ عَ مُ كَنكَن سَرٍ رَفبِلٍنمَ عَ مَ شّ؟ 
ﭑ مَ دِ، كُمِ ندٍ دٌن، بَرِ مَ سٍ حْشُنمّ نَن عَ رَ، عَ قَن عِ قَتٍ بّ. 
كْنْ عِ شَ عَ كٌلٌن شَشِلِ لُمَ نّ عَلْ كُمِ. شَ عِ عَ سْتْ، عِ شُننَكٍلِ لِمَ نّ يَرٍ، عِ شَشِلِ تِمَ نَشَن نَ، نَ مُ كَنَمَ. 
عِ نَشَ فَنتَنيِ عِتَلَ تِنشِنتْي بّ، عِ نَشَ عَ شْنيِ كَنَ. 
تِنشِنتْي نْمَ بِرَدٍ سَنمَيَ سٌلٌقٍرٍ، عَ مَن كٍلِ. كْنْ مِشِ حَاشِ بِرَ مَ نّ تْورّ كُي كٍرٍنيِ رَ. 
عِ نَشَ حّلّشِن عِ يَشُي شَ بِرّ رَ، عِ بْحّ نَشَ رَقَن عِ مَ عِ نَ عَ تٌ تْورْ رَ، 
شَ نَ مُ عَ رَ عَلَتَلَ عِ شَ مَحْشُنيِ كٌبِ تٌمَ نّ، عَ قَ عَ شَ شْنّ رَفبِلٍن عِ يَشُي قْشْ رَ. 
عِ نَشَ شْنْ قٍ حَاشِ رَبَيٍ مَ، عِ نَشَ عٍ تْونّ. 
مِشِ حَاشِ مُ قٍ قَنيِ لِمَ يَرٍ، عٍ شَ لَنثُي قَمَ نّ شُبٍندٍ. 
ﭑ مَ دِ، عِ شَ فَاشُ عَلَتَلَ يَ رَ، عِ شَ مَنفّيٍ بِنيَ، عِ نَشَ لُ مَتَندِلَيٍ يَ مَ، 
بَرِ مَ هَلَكِ نَن قَمَ عٍ رَتّرّننَدٍ. ندٍ عَ كٌلٌن عَلَ هَلَكِ نَشَن دُ سُمَ عٍ شُن نَ؟ 
لْننِلَ فبّتّيٍ شَ تَالِيٍ نَن يَ؛ وٌ نَشَ مِشِ رَقِسَ عَ بٌورٍ بّ كِيتِ كُي. 
مِشِ نَشَن عَ قَلَمَ مِشِ حَاشِ بّ، «عِ تِنشِن،» حَمَ بِرِن قَمَ نّ نَ كَنيِ دَنكَدٍ، سِ بِرِن شْنْمَ نّ عَ مَ. 
كْنْ مِشِ نَشَن مِشِ حَاشِ كَلَمُمَ نْندِ كُي، نَ كَنيِ بَرَ قٍ قَنيِ رَبَ، عَ قَمَ نّ بَرَكّ سْتْدٍ. 
يَابِ تِنشِنشِ حْشُن نّ عَلْ شَنُنتٍنيِ شَ شّيبُي. 
قّنتّن عِ شَ وَلِ مَ، عِ قٍ رَبَ بَلٌي سْتْقٍ رَ، نَ تّمُي عِ قَ دٍنبَيَ رَ سَبَتِ. 
عِ نَشَ عِ دْشْبٌورٍ تْوحّفّ. وُلٍ نَشَ مِنِ عِ دّ كُي. 
عِ نَشَ عَ قَلَ، «عَ نَشَن نَبَشِ ﭑ نَ، قٌ ﭑ قَن نَ رَبَ عَ رَ، ﭑ عَ شَ وَلِ كٌبِ سَرٍ رَفبِلٍنمَ نّ عَ مَ.» 
ﭑ بَرَ دَنفِ تُننَشْنّ ندٍ شَ شّ رَ، عَ نُن شَشِلِتَرٍ ندٍ شَ سَنسِ يِرٍ رَ. 
ﭑ تُنبٍيٍ نُن حٌوفٍ حَاشِيٍ نَن تُن تٌ نَا. تّتّ قَن نُ بِرَشِ. 
ﭑ نَشَ نَ قٍ مَحْشُن هَن عَ نَشَ قِندِ شَشِلِ رَ ﭑ بّ؛ 
شِشْلِ نَ عِ سُشُ، عِ كِنسْن قْلْ، عِ عِ بّلّشّيٍ قِندِفِلِن عِ مَ، 
سٍتَرٍحَ قَ دُتُن عِ مَ عَلْ مُحّتِ حَاشِ.