كَوَندِلَ.
2.
ﭑ عَ قَلَ نّ ﭑ يّتّ بّ، «ﭑ شَ حّلّشِنيِ مَتٌ، ﭑ شَ عَ كٌلٌن نَشَن قَن.» ﭑ نَشَ عَ تٌ عَ حّلّشِنيِ قَن مُ بُمَ. 
ﭑ نَشَ ﭑ يّتّ مَشْرِن، «يٍلٍقٍ تُن مُ قِندِشِ قٍ كَمَلِشِ رَ. حّلّشِنيِ تِدٍ نَ مُنسٍ رَ؟» 
ﭑ نَشَ نَتّ تٌنفٌ ﭑ مَ لْننِ قٍنقٍ كُي، ﭑ شَ حّلّشِنيِ قٍن وّنِ رَ. ﭑ نُ وَ مَ عَ كٌلٌنقٍ مُنسٍ مُنَقَنيِ فبٌ عَدَ مَدِيٍ بّ عٍ شَ دُنِحّءِفِرِ كُي. 
ﭑ نَشَ وَلِ شُنفبٍ ندٍيٍ سُشُ عَلْ بَنشِ تِقٍ نُن شّ سَقٍ. 
ﭑ نَشَ يِرٍ تٌقَنيِيٍ يَءِلَن نَاقُلِ كَنيِ عٍ مَلَبُمَ دّننَشّ سَنسِ تٌقَنيِيٍ يَ مَ. 
ﭑ نَشَ يٍ يِرٍ فٍ نَشٍيٍ عَ نِيَمَ يٍ شَ سَ ﭑ مَ سَنسِيٍ مَ. 
ﭑ نَشَ كٌنيِيٍ سَرَ، نَشٍيٍ بَرَ دِيٍ سْتْ نَشٍيٍ قِندِشِ ﭑ فبٍ رَ، عٍ قَ لُ ﭑ شْنيِ. ﭑ نَشَ شُرُ سٍ فبٍفبٍ سْتْ، دَنفِ دَرِ سَلَمُكَيٍ بِرِن نَ نَشٍيٍ نُ نَ بٍينُ ﭑ شَ بَرِ. 
ﭑ نَشَ فبٍتِ، شّيمَ، نُن نَاقُلِ مْولِ بِرِن سْتْ. ﭑ نَشَ يٍلِبَيٍ سْتْ، عَ نُن فِنّ فَلِ عَدَ مَ وَشْنقٍ شَ قٍ رَ. 
ﭑ نَشَ قِندِ مِشِ شُنفبٍ رَ دَنفِقٍ دَرِ سَلَمُكَيٍ بِرِن نَ نَشٍيٍ نُ نَ بٍينُ ﭑ شَ بَرِ. ﭑ نَشَ نَ بِرِن نَبَ لْننِ قٍنقٍ رَ. 
ﭑ نَشَ ﭑ وَشْنقٍ مْولِ بِرِن قٍن، ﭑ مُ تٌندِ سٍسٍ رَ نَشَن نُ رَقَنشِ ﭑ مَ. ﭑ مَ وَلِ يَتِ نُ رَقَنشِ ﭑ مَ، نَ نَن قِندِشِ ﭑ مَ فٍينِ رَ. 
كْنْ ﭑ تٌ ﭑ مَ وَلِ بِرِن مَتٌ، ﭑ نَشَن نَبَشِ تْورّ كُي، ﭑ نَشَ عَ تٌ نَ بِرِن قُقَقُ. عَ نُ لُشِ نّ عَلْ مِشِ نَشَن بِرَ مَ قٌيٍ قْشْ رَ عَ مُ سٍسٍ سُشُ. 
نَ تّمُي ﭑ نَشَ ﭑ حْشْ سَ شَشِلِمَيَ نُن شَشِلِتَرٍحَ شْن مَ. نَشَن تِمَ مَنفّ رَ ﭑ حْشْي رَ، نَ قَمَ مُنسٍ رَبَدٍ؟ 
ﭑ نَشَ عَ تٌ شَشِلِمَيَ قَن دَنفِ شَشِلِتَرٍحَ رَ، عَلْ نَءِيَلَنيِ قَن تٌ قَنشِ دِ مِ بّ. 
شَشِلِمَ سٍ تٌمَ عَ يَ رَ، شَشِلِتَرٍ تَن عَ حّرّ مَ دِ مِ نَن كُي. كْنْ عٍ قِرِن بِرِن قَشَمَ نّ. 
نَ نَن عَ رَ ﭑ نَشَ عَ مَحْشُن، شَ ﭑ تَن نُن شَشِلِتَرٍ بِرِن قَشَمَ نّ، ﭑ مَ شَشِلِمَيَ تِدٍ قَ نَ مُنسٍ رَ؟ ﭑ نَشَ عَ قَلَ ﭑ يّتّ بّ، «شَشِلِمَيَ قَن قٍ قُقَقُ نَن عَ رَ.» 
شَشِلِمَ نُن شَشِلِتَرٍ شَ قٍ مُ رَتُمَ مِشِيٍ رَ، عٍ نّيمُمَ نّ عٍ قِرِن بِرِن مَ، عٍ قِرِن بِرِن قَشَمَ نّ. 
نَ كُي دُنِحّءِفِرِ نَشَ رَحَاشُ ﭑ مَ، بَرِ مَ ﭑ بَرَ عَ كٌلٌن ﭑ مَ وَلِ مُ بُمَ. عَ لُشِ نّ عَلْ مِشِ نَشَن بِرَ مَ قٌيٍ قْشْ رَ، عٍ مُ عَ سُشُ. 
ﭑ مَ وَلِ نَشَ رَحَاشُ ﭑ مَ، بَرِ مَ ﭑ بَرَ عَ كٌلٌن قٌ ﭑ شَ نَ بِرِن لُ مِشِ فبّتّ يِ رَ. 
نَ مِشِ قِندِ مَ شَشِلِمَ نَن نَ، كَ شَشِلِتَرٍ رَ؟ ندٍ نْمَ نَ كٌلٌندٍ؟ كْنْ عَ تَن يَتِ نْي سْتْمَ نّ ﭑ مَ وَلِ بِرِن شُن مَ! قٍ قُقَقُ نَن نَ كِ. 
نَ كُي ﭑ نَشَ نِمِسَ وَلِ بِرِن شَ قٍ رَ ﭑ نَشَن نَبَ يِ دُنِحَ مَ. 
مِشِ نَشَن وَلِشِ لْننِ نُن قَتّ رَ، عَ قَ نَ وَلِ لُ مِشِ ندٍ يِ رَ نَشَن مُ سٍسٍ رَبَ نَ وَلِ كُي، نَ قِندِشِ قٍ قُقَقُ نَن نَ نَشَن شْرْشْ كِ قَنيِ رَ. 
مِشِ فٍينِ مُندُن سْتْمَ عَ شَ وَلِ نُن عَ شَ كَتّ كُي عَ نَشَن نَبَشِ يِ دُنِحَ مَ؟ 
عَ شَ وَلِ قِندِشِ تْورّ شْرْشْي نَن نَ عَ بّ. هَلِ كْي رَ عَ بْحّ مُ مَلَبُمَ. قٍ قُقَقُ نَن نَ كِ. 
عَ لَنمَ مِشِ شَ عَ دّفٍ، عَ شَ عَ مِن، عَ شَ عَ شَ وَلِ رَبَ سّيوّ كُي. ﭑ بَرَ عَ كٌلٌن نَ بِرِن كٍلِشِ عَلَ نَن مَ. 
مِشِ مُ نْمَ عَ دّفٍدٍ، عَ قٍ قَنيِ كٌلٌن شَ عَلَ مُ عَ مَلِ؟ 
مِشِ نَشَن نَقَن عَلَ مَ، عَلَ عَ كِمَ شَشِلِ قَنيِ، قَهَامُي، نُن سّيوّ نَن نَ. كْنْ شَشِلِتَرٍ تَن، عَلَ عَ نِيَمَ نّ عَ شَ عَ هَرِفٍ بِرِن سٌ مِشِ فبّتّ يِ رَ نَشَن نَقَن عَلَ مَ. يِ قَن قِندِشِ قٍ قُقَقُ نَن نَ، عَلْ مِشِ نَشَن بِرَ مَ قٌيٍ قْشْ رَ.