كَوَندِلَ.
6.
ﭑ قٍ شْرْشْي فبّتّ نَن تٌ يِ دُنِحَ مَ؛ 
عَلَ بَننَيَ نُن بِنيّ رَفِرِشِ مِشِ ندٍ مَ هَن عَ وَ سَ نَ بِرِن نَ، كْنْ عَلَ قَ عَ نِيَ عَ مُ شَن عَ يِ، عَ قَ عَ لُ مِشِ فبّتّ يِ رَ. قٍ قُقَقُ نَن نَ كِ نَشَن شْرْشْ عَ فبٍ رَ. 
هَلِ مِشِ دِ كّمّ سْتْ، عَ نَشَ سِمَيَ شْن كُيٍ سْتْ، شَ عَ مُ نْمَ سّيوَدٍ عَ هَرِفٍ رَ، حَمَ مُ قَ عَ رَفَتَ فَبُرِ كُي عَ رَفَتَ كِ مَ، دِيْرّ نَشَن بَشِ عَ نفَ قُرِ، نَ قِسَ نَ كَنيِ بّ. 
نَ دِيْرّ مُ قِندِ مَ عَ رَ، عَ كٍلِمَ دِ مِ نَن كُي، عَ شِلِ يَتِ مُ قَلَمَ. 
عَ مُ سٌفٍ شَ نَءِيَلَنيِ تٌشِ، عَ مُ سٍسٍ كٌلٌنشِ، كْنْ عَ شَ قٍ قِسَ نَ نَاقُلِ كَنيِ بّ، 
هَلِ نَاقُلِ كَنيِ قَ لُ دُنِحَ مَ حّ وُلُ قِرِن سّيوّتَرٍحَ كُي. عٍ بِرِن مُ سِفَمَ عَلِفِيَمَ شّ؟ 
مِشِ شَ كَتّ بِرِن نَبَمَ قُرِ قٍ نَن مَ قٍ رَ، كْنْ عَ مُ وَ سَمَ قٍوٌ. 
مُنسٍ لُمَ شَشِلِمَ يِ رَ نَشَن مُ نَ شَشِلِتَرٍ يِ رَ؟ مُنسٍ لُمَ مِسِكِينّ بّ شَ عَ حّرّ كِ قَن عَ بٌورٍ يَ شْرِ؟ 
سٍ تٌشِ قِسَ مَحْشُنيِ بّ؟ قٍ قُقَقُ نَن نَ كِ نَشَن لُشِ عَلْ مِشِ نَشَن بِرَقٍ قٌيٍ قْشْ رَ. 
دَالِسٍ بِرِن حَن بَرَ شِلِ سْتْ، عَدَ مَ نَشَن نُ نَ، عَ حَن بَرَ كٌلٌن. عَدَ مَ مُ نْمَ مِشِ رَ نَشَن سّنبّ فبٌ عَ بّ. 
وْيّنيِ نَ فبٌ، قٍ قُقَقُ قَن فبٌمَ نّ. عَ مُ مِشِ يٌ مَلِمَ. 
ندٍ عَ كٌلٌن قٍ نَشَن قَن عَدَ مَدِ بّ عَ شَ دُنِحّءِفِرِ كُي، نَشَن دَنفِمَ مَقُرٍن مَقُرٍن عَلْ نِينِ؟ ندٍ نْمَ عَ قَلَدٍ عَ بّ قٍ نَشَن نَبَمَ عَ قَشَ شَنبِ؟