سُوكِ.
6.
«فِنّ تٌقَنيِ قِسَمَنتٍ، عِ شَنُنتٍنيِ سِفَشِ مِندٍن؟ عَ سِفَ مِندٍن مَبِرِ عَلَكٌ وٌن بِرِن شَ عَ قٍن؟» 
«ﭑ شَنُنتٍنيِ بَرَ سِفَ عَ شَ سَنسِ يِرٍ، سٍ شِرِ قَنيِ نَ دّننَشّ، عَلَكٌ عَ شَ عَ مَحّرّ، عَ شَ سَنسِ قُفٍ تٌقَنيِ ندٍ بَ. 
ﭑ قِندِشِ ﭑ شَنُنتٍنيِ فبٍ نَن نَ، عَ قَن قِندِشِ ﭑ فبٍ نَن نَ. عَ لُمَ عَ مَحّرّ رَ سَنسِ قُفٍ تٌقَنيِيٍ يَ مَ.» 
«ﭑ دّ قَن بٌورٍ، عِ تٌقَن عَلْ تِرِ سَ، عِ رَيَبُ عَلْ دَرِ سَلَمُ، عِ سّنبّ فبٌ عَلْ عِسِرَيِلَ شَ سْورِيٍ. 
عِ نَشَ عِ يَ تِ ﭑ نَ، شَ نَ مُ عَ رَ ﭑ شَشِلِ عِقُمَ نّ. عِ شُنسّشّيٍ فبٌ. عٍ لُشِ نّ عَلْ سِ فْورّ نَشَن فٌرٌ مَ فَلَدِ فٍيَ قَرِ. 
عِ حِنيِ قِيشّ عَلْ يّشّي فْورّ نَشَن شَبٍ مَشَبَشِ، عٍ كٍلِشِ نَشٍيٍ مَشَدٍ. عِ حِنيِ كٍرٍن مُ بَشِ، عٍ بِرِن دّحّشِ. 
عِ شّرّ تٌقَن عَلْ مَنفٌي نَشَن عِشَبَشِ عَ تَفِ. عٍ نْشُنشِ عِ شَ مَقٍلٍنيِ بُن مَ. 
مَنفّ فِنّ تٌنفٌ سٍننِ نْمَ لُدٍ نَا، مَنفّ شَ كٌنيِ فِنّ تٌنفٌ سٌلٌمَسَشَن قَن لُ نَا، عَ نُن عَ شَ فِنّدِ مّ تٌقَنيِ فبٍفبٍ نَشَن كْنتِ مُ كٌلٌن. 
كْنْ فِنّ كٍرٍن ثٍتِ نَن ﭑ يِ نَشَن دَنفِ عٍ بِرِن نَ. عَ كٍرٍن نَن نَ عَ نفَ بّ، نَشَن نَقَنشِ عَ مَ دَنفِقٍ عٍ بِرِن نَ. فِنّدِ مّيٍ، مَنفّ فِنّيٍ، نُن مَنفّ شَ فِنّيٍ، عٍ بِرِن عَ مَتْشْمَ يِ وْيّنيِ رَ، 
‹ندٍ نَ يِ فِنّ رَ، نَشَن يَنبَمَ عَلْ سُبَشّ نَءِيَلَنيِ، نَشَن تٌقَن عَلْ كِكٍ، نَشَن قَتٍ يَنبَمَ عَلْ سٌفٍ، نَشَن مَمِرِن عَلْ تُنبُي فَالِ؟›» 
«ﭑ وَ مَ فٌرٌقٍ سَنسِ يِرٍ، عَلَكٌ ﭑ شَ سَنسِ نّينّ تٌ فُلُنبَ كُي، عَلَكٌ ﭑ شَ عَ كٌلٌن شَ وّنِ بِلِ بَرَ بٌفِ، شَ مَنفٌي بَرَ قُفَ. 
ﭑ مُ نُ عَ كٌلٌن شَ ﭑ يّتّ قَمَ تٍدٍ ﭑ مَ حَمَ شَ مَنفّ رَفِسٍ كُي.»