سُوكِ.
8.
«شَ عِ قِندِشِ ﭑ تَارَ شّمّمَ نَن نَ نُ، ﭑ نفَ شِحّ قِشِ نَشَن مَ، ﭑ نُ نْمَ عِ مَسُنبُدٍ مِشِ يَ شْرِ ﭑ مُ يَافِمَ نَ رَ. 
ﭑ نُ نْمَ عِ شَنِندٍ ﭑ نفَ يِرٍ، عِ شَ قِندِ ﭑ كَرَ مْشْ رَ، ﭑ قَ وّنِ قَنيِ نُن مَنفٌي يٍ سٌ عِ يِ رَ.» 
«ﭑ شُنيِ نَ ﭑ شَنُنتٍنيِ بّلّشّ، عَ نَ ﭑ مَقُرُكُقٍ عَ يِرٍقَنيِ رَ. 
دَرِ سَلَمُ فِنّدِ مّيٍ، ﭑ بَرَ وٌ مَيَندِ، وٌ نَشَ شَنُنتٍيَ رَشُنُ، وٌ نَشَ عَ رَكٍلِ، بٍينُ عَ وَ مَ عَ شْن مَ تّمُي نَشّ.» 
«ندٍ نَ يِ فِنّ رَ نَشَن كٍلِشِ فبٍنفبٍرٍن يِرٍ، عَ عَ شَنُنتٍنيِ بّلّشّ سُشُشِ؟» فِنّ شَ مَسٍنيِ شّمّ بّ «ﭑ بَرَ عِ رَشُنُ مَنفٌي بِلِ بُن مَ، عِ نفَ تْورْشِ عِ بَرِدٍ دّننَشّ. 
ﭑ شَ قِندِ عِ كٍرٍن فبٍ رَ، عَلْ عِ شَ تْنشُمَ نَشَن فبَكُشِ عِ كْن مَ، شَ نَ مُ عَ رَ نَشَن نَسٌشِ عِ بّلّشّسٌلٍ رَ، بَرِ مَ شَنُنتٍيَ سّنبّ فبٌ دَنفِقٍ قَشّ رَ. ﭑ وَ مَ عِ شْن ﭑ يّتّ بّ، عَلْ عَلِفِيَمَ وَ مَ مِشِيٍ شْن مَ كِ نَشّ. شَنُنتٍيَ سّنبّ فبٌ عَلْ تّ، عَلَتَلَ نَشَن نَدّشّشِ، عَ مُ شُبٍنمَ. 
بَا يٍ مُ نْمَ شَنُنتٍيَ رَشُبٍندٍ، شُرٍ يٍ مُ نْمَ عَ بَدٍ. مِشِ نَشَن وَ مَ عَ هَرِفٍ بِرِن مَسَرَقٍ شَنُنتٍيَ رَ، مِشِ نَ كَنيِ مَيٍلٍمَ نّ.» 
«شُنيَ فِنّمَ نَ مُشُ يِ رَ، عَ مُ مْشِ سِندٍن، عَ شِحّيٍ شُرُن. مُشُ قَمَ مُنسٍ رَبَدٍ عَ بّ مِشِ نَ عَ قٍن تّمُي نَشّ؟ 
شَ عَ لُشِ عَلْ تّتّ نَشَن بَلَنشِ، مُشُ عَ يّنسّمَ نّ فبٍتِ رَ، كْنْ شَ عَ لُشِ عَلْ نَادّ نَشَن نَبِشِ، مُشُ عَ بَلَنمَ نّ.» 
«ﭑ تَن لُشِ نّ عَلْ تّتّ نَشَن مُ رَبِمَ، ﭑ شِحّيٍ قِندِشِ يِرٍ مَكَنتَشِيٍ نَن نَ. نَ كُي ﭑ بَرَ قِندِ ﭑ شَنُنتٍنيِ شَ بْحّسَ رَ. 
وّنِ سَنسِ بِلِ يِرٍ نُ نَ سُلٍمَنِ يِ رَ بَلِ هَمٌن. عَ نَشَ عَ تَشُ عَ شَ وَلِكّيٍ رَ، نَشٍيٍ نُ لَنمَ عٍ شَ فبٍتِ كْبِرِ كٌلٍ وُلُ قِ نَ شَ قٍ رَ. 
ﭑ تَن نَن ﭑ مَ وّنِ بِلِيٍ يِرٍ مَكَنتَمَ. عِ بَرَ فبٍتِ كٌلٍ وُلُ سْتْ، عِ شَ وَلِكّيٍ بَرَ فبٍتِ كٌلٍ كّمّ قِرِن سْتْ.» 
«عِ تَن نَشَن نَ سَنسِ يِرٍ، عِ بٌورٍيٍ وَ مَ عِ شُي رَ مّقٍ، كْنْ ﭑ تَن نَن نَ رَ مّمَ.» 
«ﭑ شَنُنتٍنيِ، عِ شَ عِ فِ عَلْ شٍلِ، عِ شَ عِ فِ عَلْ تْوكّ تٍقٍ رَ فٍيَيٍ قَرِ، سُرَيِ حْشُنمّ نَ دّننَشّ.»