عَننَبِ عٍسَيِ.
4.
نَ لْشْي فِنّ سٌلٌقٍرٍ عَ قَلَمَ نّ شّمّ كٍرٍن بّ، «مُشُ شَ بَلٌي نُن مُشُ شَ مَشِرِ سٍيٍ شَ قِندِ مُشُ شَ كٌتٍ رَ، كْنْ عِ تَن شَ مُشُ دْشْ، عِ شِلِ شَ لُ مُشُ شُن، عَلَكٌ يَافِ شَ بَ مُشُ مَ.» 
نَ لْشْي عَلَتَلَ شَ سَلٌنيِ تٌقَنيِ مِنِمَ نّ عَ شَ نْرّ كُي، عِسِرَيِلَ بْشِ شَ دَشَمُي قَنيِ شَ لُ عَ شَ مِشِيٍ بّ نَشٍيٍ كِسِشِ. 
مِشِ نَشٍيٍ قَمَ لُدٍ سِيٌنِ نُن دَرِ سَلَمُ، عٍ قِندِ مَ نّ سّنِيّنتْييٍ رَ نَشٍيٍ شِلِ سّبّشِ كِسِ مِشِيٍ يَ مَ. 
مَرِفِ قَمَ نّ سِيٌنِ فِنّيٍ شَ سّنِيّنتَرٍحَ مَشَدٍ، عَ دَرِ سَلَمُكَيٍ رَ سّنِيّن عٍ شَ قَشّ تِقٍ مَ كِيتِ تِنشِنشِ سَابُي رَ، عَ قَ عٍ سَرٍ رَفبِلٍن عٍ مَ. 
نَ تّمُي عَلَتَلَ قَمَ سِيٌنِ فٍيَ مَكٌتٌدٍ نُشُي نُن تُورِ نَن نَ يَنيِ رَ، عَ تّ شُنفبٍ رَ مِنِ عٍ شُن مَ كْي رَ. عَ شَ نْرّ نَن لُمَ سٍ بِرِن شُن مَ، 
عَلْ بَفٍ شُنفبٍ نَشَن نِينِ مِشِ مَكَنتَمَ سٌفٍ مَ، عَ قِندِ يِرٍ كَنتَشِ رَ تُنّ فٌرٌ تّمُي.