عَننَبِ عٍسَيِ.
9.
حَمَ نَشَن نُ نَ عَ حّرّقٍ دِ مِ كُي، عٍ بَرَ نَءِيَلَنيِ شُنفبٍ تٌ. تْورّ شَ نْي نُ نَ نَشٍيٍ قَرِ، نَءِيَلَنيِ شُنفبٍ بَرَ يَنبَ عٍ مَ. 
عَلَتَلَ، عِ بَرَ نَ حَمَ شُن نَكٍلِ، عِ بَرَ سّيوّ شُنفبٍ قِ عٍ مَ. عٍ سّيوَشِ عِ يَ رَ عَلْ مِشِيٍ سّيوَ مَ سَنسِ شَبَ تّمُي كِ نَشّ، عَلْ مِشِيٍ سّيوَ مَ هَرِفٍ سْتْقٍ رَ كِ نَشّ. 
عٍ سّيوَشِ بَرِ مَ كٌتٍ بِنيٍ نَشَن نُ دّتّنشِ عٍ مَ، عِ بَرَ نَ بَ نَا، لُشُسِنيِ نَشَن نُ عٍ بْنبْمَ عٍ قَرِ مَ، عِ بَرَ نَ كَنَ عَلْ عِ مَدِيَنكَيٍ رَبِرَ تّمُي نَشّ. 
عٍ يَشُييٍ شَ سَنكِرِ نَشٍيٍ نُ عٍ مَبٌرٌنمَ، عٍ دٌنمَ نَشٍيٍ نْشْشِ وُلِ رَ، نٍيٍ بِرِن بَرَ وْلّ تّ شْورَ، عٍ فَن قٍوٌ. 
بَرِ مَ عَلَ بَرَ عَ نِيَ وٌن شَ دِ ندٍ سْتْ، عَ مَنفّيَ قِشِ نَشَن مَ. نَ دِ قَمَ شِلِدٍ يِ كِ نّ؛ مَرَ سِمَ قِسَمَنتٍ، عَلَ سّنبّمَ، بَبَ نَشَن بُمَ عَبَدَن، بْحّسَ مَنفّ. 
عَ شَ مَنفّيَ نُن عَ شَ بْحّسَ مُ حْنمَ. عَ دْشْمَ نّ دَوُدَ شَ كِبَنيِ كُي عَبَدَن. عَ نَ مَنفّيَ رَبَمَ تِنشِنيِ نُن نْندِ نَن نَ، كٍلِقٍ يَكْسِ مَ هَن دَن مُ نَشَن مَ. مَنفّ عَلَتَلَ قَمَ نَ نَن نَبَدٍ، بَرِ مَ عَ مُ وَ مَ عَ قِرِن ندٍ شْن. 
مَرِفِ نُ بَرَ كِيتِ حَاشِ سَ يَشُبَ بْنسْي مَ، عَ نَشَن دْشْ عِسِرَيِلَ مَ. 
عٍقِرَ مِكَيٍ نُن سَمَرِكَيٍ نُ بَرَ نَ كٌلٌن، كْنْ عٍ نَشَ عَ قَلَ عٍ شَ يّتّ عِفبٌيَ كُي، 
«بِرِكِ بَنشِ بَرَ بِرَ، كْنْ مُشُ قَمَ عَ تِدٍ فّمّ مَسٌلِشِيٍ نَن نَ. سِكٌمٌرٌ بِلِيٍ بَرَ سّفّ، كْنْ مُشُ قَمَ سّدِرِ بِلِيٍ سِدٍ عٍ حْشْي رَ.» 
نَ وْيّنيِ مَ عَلَتَلَ قَمَ نّ رٍ سِن يَشُييٍ رَفٍينِدٍ عٍ شِلِ مَ، 
عَ قَمَ نّ عَرَ مِكَيٍ رَ كٍلِقٍ سٌفٍتٍدٍ، عَ قَ قِلِسِتَكَيٍ قَن نَ كٍلِ سٌفٍفٌرٌدٍ، عَلَكٌ عٍ شَ عِسِرَيِلَكَيٍ سْنتْ عَ حَاشِ رَ. هَلِ نَ بِرِن تٌ رَبَ، عَلَتَلَ شَ شْنّ مُ فبِلٍنشِ عٍ قْشْ رَ، عَ بّلّشّ مَن عِتٍشِ عٍ شِلِ مَ، 
بَرِ مَ حَمَ تَن تٌندِ نّ عَ يّتّ رَفبِلٍندٍ عَ بْنبْمَ مَ، عٍ مُ مَنفّ عَلَتَلَ قٍن. 
نَ كُي عَلَتَلَ عِسِرَيِلَ شُنيِ نُن عَ شُلِ بٌلٌنمَ نّ، عَ تُفِ بِلِ نُن كَلٍ شُنشُرِ رَبِرَ مَ نّ. 
عِسِرَيِلَ شُنيِ نَ عَ شَ يَرٍرَتِيٍ نَن نَ، عَ شُلِ نَ عَ شَ نَمِحْنمّ وُلٍ قَلّيٍ نَن نَ. 
نَ يَرٍرَتِيٍ بَرَ حَمَ رَلْي، عٍ بَرَ عٍ عِقُ. 
نَ نَن عَ رَ، عَلَتَلَ مُ حّلّشِنمَ عٍ شَ قٌنِكٍيٍ رَ، عَ مُ كِنِكِنِمَ عٍ شَ كِرِدِيٍ نُن كَاحّ فِنّيٍ مَ، بَرِ مَ عٍ بِرِن يُنُبِ حَاشِيٍ رَبَمَ، وْيّن كٌبِيٍ نَن تُن مِنِمَ عٍ دّ عِ. 
فبَلٌي نَ قَقٍ عٍ مَ عَلْ تّ نَشَن نَ قِلِ مَ، عَ قَ حٌوفٍ حَاشِ نُن تُنبٍ بِرِن فَن، تُورِ قَ تٍ كٌورٍ مَ. 
مَنفّ عَلَتَلَ شَ شْنّ بَرَ دُنِحَ رَ سّرّن، عَدَ مَدِيٍ بَرَ لُ عَلْ تّ نَشٍيٍ عٍ بٌورٍ فَن، مِشِ يٌ مُ كِسِ. 
عٍ بَرَ عٍ بٌورٍ مُحَ نَشَن نُ نَ عٍ يِرٍقَنيِ مَ، كْنْ عٍ نَشَ لُ كَامّ كُي. عٍ بَرَ ندٍ مُحَ نَشَن نُ نَ عٍ كْولَ مَ، كْنْ عٍ مُ وَ سَ، كَنكَن نَشَ دِن عَ بٌورٍ رَ. 
مَنَسِكَيٍ بَرَ عٍقِرَ مِكَيٍ تْورْ، عٍقِرَ مِكَيٍ بَرَ مَنَسِكَيٍ تْورْ، عٍ قِرِن بَرَ دِن يُدَيَ رَ. هَلِ نَ بِرِن تٌ رَبَ، عَلَتَلَ شَ شْنّ مُ فبِلٍنشِ عٍ قْشْ رَ، عَ بّلّشّ مَن عِتٍشِ عٍ شِلِ مَ.