عَننَبِ عٍسَيِ.
15.
مَسٍنيِ نَن يَ مٌوَبَ شَ قٍ رَ؛ عَ شَ تَا عَرِ شُن بَرَ رَكَنَ كْي كٍرٍن كُي. عَ شَ تَا كِرِ شُن بَرَ رَكَنَ كْي كٍرٍن كُي. 
دِبٌنكَيٍ سِفَمَ نّ وَدٍ عٍ شَ كُيٍيٍ يِرٍ. مٌوَبَكَيٍ نَ وَقٍ عٍ شَ تَايٍ نٍبٌ نُن مٍدٍبَ شَ قٍ رَ، عٍ عٍ شُنيِ بِي، عٍ عٍ دّ شَبٍيٍ مَشَبَ سُننُنيِ كُي. 
عٍ حْنيِ دُفِيٍ رَفٌرٌ مَ عٍ مَ كِرَ رَ. عٍ بِرِن وَ مَ نّ عٍ شُي عِتٍشِ رَ عٍ شَ بَنشِيٍ كْن نَ نُن عٍ شَ تَا مَلَندٍيٍ كُي. 
شّسِبْنكَيٍ نُن عٍلٍيَلٍكَيٍ نَ فبٍلٍفبٍلٍقٍ، عٍ وَ شُي سَ مّمَ هَن يَهَسِ تَا كُي. مٌوَبَ سْورِيٍ نَ فبٍلٍفبٍلٍقٍ نَ نَن مَ، لِمَنِيَ بَرَ بَ عٍ يِ رَ. 
ﭑ بْحّ قَن نَ وَقٍ مٌوَبَكَيٍ شَ قٍ رَ. عٍ شَ مِشِيٍ عٍ فِمَ نّ هَن سٌوَرِ تَا، هَن عٍفٍلَتِ سٍلِسِيَ تَا. عٍ تٍمَ نّ وَ رَ لُشِتِ، عٍ وَ شٌرٌنَيِمِ كِرَ رَ، 
بَرِ مَ نِمِرِن شُرٍ بَرَ شْرِ، قِيلِيٍ بَرَ شَرَ، سَنسِيٍ بَرَ كَنَ، بُرّشّ شِندٍ يٌ مُ نَ سْنْن. 
نَ بَرَ عَ نِيَ عٍ شَ عٍ شَ سٍ دْنشْييٍ شَنِن كٌندٍ يِرٍ شُرٍ قّ مَ. 
مٌوَبَ وَ شُي مّمَ نّ نَانِنيِيٍ رَ، هَن عٍفٍلَيِمِ، هَن بٍيرَ عٍلِمِ. 
دِ مْن شُرٍيٍ رَفبٍيلِشِ وُلِ رَ، كْنْ ﭑ مُ فّشِ سِندٍن. فبَلٌي دِنمَ نّ مٌوَبَكَيٍ بِرِن نَ، نَشٍيٍ عٍ فِمَ، نُن نَشٍيٍ لُمَ عٍ شَ بْشِ مَ.